Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

మీ వాట్సాప్ ఎప్పుడైనా డిలీట్ అవ్వొచ్చు.. కాపాడుకోండిలా..!

WhatsApp Banning Users in Groups with Suspicious Names, మీ వాట్సాప్ ఎప్పుడైనా డిలీట్ అవ్వొచ్చు.. కాపాడుకోండిలా..!

ఫేక్‌ న్యూస్‌ను అడ్డుకునేందుకు ప్రముఖ మెసేజింగ్ యాప్ వాట్సాప్ పలు చర్యలు తీసుకుంటోన్న విషయం తెలిసిందే. ఈ క్రమంలో ఇప్పటికే వాట్సాప్ ఫ్వార్వర్డ్ లిమిట్‌ను తగ్గించడం వంటి చర్యలు తీసుకుంది. ఇదిలా ఉంటే త్వరలో వాట్సాప్ కొందరి అకౌంట్లను బ్యాన్ చేస్తుందన్న పుకార్లు ఇటీవల బలంగా వినిపిస్తున్నాయి. అంతేకాదు ఇప్పటికే కొందరు, తమ అకౌంట్లు బ్యాన్ అయ్యాయని ఆన్‌లైన్‌లో ఫిర్యాదు కూడా చేస్తున్నారు. గ్రూప్‌లలో సభ్యుల వివరాలు సరిగ్గా లేవన్న కారణంగా వాట్సాప్ తమ అకౌంట్లను బ్యాన్ చేసిందని వారు ఆరోపిస్తున్నారు. కానీ పిల్లల లైంగిక వేధింపులకు సంబంధించిన గ్రూపులు, అలాంటి పోస్టులు ఫార్వర్డ్ చేస్తున్న సభ్యుల్ని మాత్రమే వాట్సాప్ బ్యాన్ చేస్తోంది. గ్రూప్‌ల పేర్లు, సభ్యుల పేర్ల విషయంలో వాట్సాప్‌కు స్పష్టమైన గైడ్‌లైన్స్ ఉన్నాయి. వాట్సాప్ యూసేజ్ పాలసీలో వీటన్నింటిని మనం స్పష్టంగా చూడొచ్చు. ఏది ఏమైనా వాట్సాప్‌లో అకౌంట్ గానీ, గ్రూప్ గానీ ఒక్కసారి బ్యాన్ అయితే.. మళ్లీ తిరిగి పొందడం అసాధ్యం. ఇలాంటి సమయంలో వినియోగదారులు కొన్ని జాగ్రత్తలు తీసుకుంటే సరిపోతుంది.

మీరు ఏదైనా వాట్సాప్ గ్రూప్ క్రియేట్ చేసేముందు ఒకసారి వాట్సాప్ సెక్యురిటీ బ్లాగ్, యూసేజ్ రూల్స్ తెలుసుకుంటే మంచిది. ఇక మీ గ్రూప్ పేరు కూడా అభ్యంతరకరంగా ఉండకూడదు. ఇక మీరు గ్రూప్ అడ్మిన్ అయితే.. మీ గ్రూప్‌లోని సభ్యులు అభ్యంతరకర పోస్టులు ఫార్వర్డ్ చేస్తే హెచ్చరించొచ్చు. నచ్చకపోతే ఆ సభ్యులను గ్రూప్ నుంచి తొలగించవచ్చు. ఇది కాకుండా మీరు యూజర్ అయితే.. ఏ గ్రూప్‌లో చేరాలన్నది మీరే నిర్ణయించుకోవచ్చు. ఇందుకోసం ప్రైవసీ సెట్టింగ్‌లో మీరు మార్పులు చేసుకోవచ్చు. ఇక మీ వాట్సాప్ బ్యాన్ అయినట్లైతే.. పిల్లల లైంగిక వేధింపులకు సంబంధించిన మెసేజ్‌లేవీ మా గ్రూప్‌లో లేవని వాట్సాప్‌కు ఆధారాలు చూపించాల్సి ఉంటుంది. ఇందుకోసం వాట్సాప్ అధికారిక వెబ్‌సైట్‌లో ఉన్న హెల్ప్ ఛానెల్స్ వాడుకోవచ్చు. సో ఈ రోజే మీ వాట్సాప్‌ను చెక్‌ చేసుకోండి మరి.