Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

పల్నాడు ఉద్రిక్తత.. రేపు ఏం జరగబోతోంది..!

What will happen in Palnadu tomorrow?, పల్నాడు ఉద్రిక్తత.. రేపు ఏం జరగబోతోంది..!

పల్నాడులో పరిస్థితులు రోజురోజుకు ఉద్రిక్తంగా మారాయి. ఎన్నికలకు ముందు అక్కడ ఏర్పడిన పరిస్థితులు ఆ తరువాత మరింత పెరుగుతూ.. ఇప్పుడు తారాస్థాయికి చేరుకున్నాయి. వారు మాపై దాడి చేశారంటే.. కాదు వారే మాపై దాడి చేశారంటూ వైసీపీ, టీడీపీ కార్యకర్తలు ఒకరిపై ఒకరు విమర్శలు చేసుకుంటూ వస్తున్నారు. దీంతో ఏపీ రాజకీయం పల్నాడు చుట్టూ తిరుగుతోంది. మరోవైపు పల్నాడులో రేపు ‘చలో ఆత్మకూరు’కు పిలుపునిచ్చాయి రెండు పార్టీలు. దీంతో టెన్షన్ వాతావరణం మరింత పెరిగింది.

గుంటూరులోని పునరావాస శిబిరాల్లో ఉన్న వైసీపీ బాధితులను స్వయంగా తానే తీసుకువెళతానని టీడీపీ అధినేత చంద్రబాబు ప్రకటించారు. మాచర్ల నియోజకవర్గం దుర్గి మండలం ఆత్మకూరులో వైసీపీ శ్రేణుల దాడుల్లో గాయపడిన బాధితులను వెంటబెట్టుకొని గ్రామానికి తీసుకెళ్లేందుకు ఆయన ప్రణాళికలు సిద్ధం చేశారు. పోలీసులు అనుమతులు నిరాకరించినా ఛలో ఆత్మకూరు చేసి తీరాలని ఆయన నిర్ణయానికి వచ్చారు. మరోవైపు వైసీపీ నేతలు కూడా అదే ధీమాతో ఉన్నారు. టీడీపీ బాధితులను వెంటబెట్టుకొని గ్రామాలకు వెళ్లాలని వారు నిర్ణయానికి వచ్చారు.

ఇలాంటి నేపథ్యంలో పల్నాడులో సెక్షన్ 144, 30ను విధించారు ఏపీ డీజీపీ గౌతమ్ సవాంగ్. పల్నాడులో ఊరేగింపులు, ధర్నాలు, ప్రదర్శనకు అనుమతిని ఇవ్వబోమని చెప్పుకొచ్చిన గౌతమ్ సవాంగ్.. శాంతి భద్రతల విషయంలో అన్ని వర్గాలు, రాజకీయ పార్టీలు పోలీసులకు సహకరించాలని కోరారు. పల్నాడులో ఎలాంటి అవాంచనీయ పరిస్థితులనైనా ఎదుర్కొనేందుకు పోలీస్ శాఖ సిద్ధంగా ఉందని ఆయన తెలిపారు. ఈ క్రమంలో పలు గ్రామాల్లో అదనపు బలగాలు మోహరించాయి. బాధితులను వారి స్వగ్రామాలకు తరలించేందుకు ఏర్పాట్లు చేస్తున్నారు. అంతేకాదు పలుచోట్ల ఇప్పటికే నేతలను ముందస్తుగా అరెస్ట్ చేస్తున్నారు. ఇలాంటి నేపథ్యంలో వైసీపీ, టీడీపీ నేతలు రేపు ఏం చేయబోతున్నారు..? అసలు ఛలో ఆత్మకూరు కార్యక్రమంలో రేపు ఏం జరగబోతుందన్న టెన్షన్ అందరిలో నెలకొంది.