Breaking News
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.
  • వెంటిలేటర్ మీద మాజీ రాష్ట్రపతి ప్రణబ్ ముఖర్జీ. బ్రెయిన్లో బ్లడ్ క్లాట్ కోసం చేసిన సర్జరీ విజయవంతం.
  • బెజవాడలో మరో గ్యాంగ్ వార్ ఘటన: మున్నా , రాహుల్ అనే వ్యక్తుల మధ్య ఘర్షణ. గత నెల 31 వ తేదీన కేదారేశ్వరావు పేటలో కత్తులు , కర్రలతో దాడి చేసుకున్న ఇరు వర్గాలు. దాడిలో పాల్గొన్న 11 మంది నిందితులు అరెస్ట్ చేసిన పోలీసులు. ఆలస్యంగా వెలుగులోకి వచ్చిన ఘటన.
  • విజయవాడ : మూడో రోజు కొనసాగనున్న అగ్నిప్రమాద ఘటనపై దర్యాప్తు. ఇప్పటికే ఎగ్రిమెంట్ పత్రాలను స్వాధీనం చేసుకున్న పోలీసులు. కొనసాగుతున్న అరెస్టుల పర్వం. సిబ్బంది నిర్లక్ష్యం, భద్రతా ప్రమాణాలు పాటించనకపోవడమే అగ్నిప్రమాదానికి కారణమంటున్న పోలీసులు. అగ్నిప్రమాదంతో కృష్ణా జిల్లా యంత్రాంగం అలెర్ట్. కృష్ణా జిల్లాలోని ప్రైవేటు ఆస్పత్రుల వ్యవహారంపై దృష్టి. కృష్ణా జిల్లాలో ప్రభుత్వ, చిన్నా, చితకా ఆస్పత్రులు, డెంటల్‌ క్లినిక్‌లు, డయాగ్నోస్టిక్‌ కేంద్రాల 1,018 వరకు ఉన్నట్లు గుర్తింపు. వాటిలో భద్రతా ప్రమాణాలు పాటిస్తున్న 88 ప్రభుత్వ ఆస్పత్రులు, 90 ఇతర ఆస్పత్రులు. 840 ఆస్పత్రులకు అగ్నిమాపక శాఖ అనుమతులేనట్లు గుర్తింపు. చాలా ఆస్పత్రుల్లో కనిపించని అగ్నిప్రమాద నియంత్రణ ఏర్పాట్లు.
  • అమరావతి: రాష్ట్రంలో ఇసుక తవ్వకాలు, ఎగుమతి, రవాణా, డోర్ డెలివరీకు సంబంధించి ధరలను నిర్ణయించిన ప్రభుత్వం. కూలీల ద్వారా ఇసుక తవ్వకాలకు టన్నుకు రూ. 90. స్టాక్ యార్డు లో ఇసుక పొక్లెయిన్ ద్వారా లోడ్ చేసేందుకు టన్నుకు రూ. 25. ఇసుక రీచ్ లు, పట్టా ల్యాండ్ నుంచి స్టాక్ పాయింట్ కు ఇసుక రవాణా కు టన్నుకు రూ. 4.90. గోదావరి జిల్లాల నుంచి విశాఖకు ఇసుక రవాణాకు టన్నుకు రూ. 3.30. ఇసుక డోర్ డెలివరీకి కిలోమీటర్ వారీగా ధరలు నిర్దారణ. ప్రభుత్వం నిర్ణయించిన ధరల ప్రకారం కాంట్రాక్టర్లు ముందుకు రాకుంటే ఈ-టెండర్లకు వెళ్లేలా ఆదేశాలు. ఈ మేరకు ఉత్తర్వులు జారీ చేసిన గనుల శాఖ ముఖ్య కార్యదర్శి గోపాలకృష్ణ ద్వివేది.
  • తూ. గో.జిల్లా, రాజమండ్రి: ఖైదీ ఆత్మహత్య.. రాజమండ్రి సెంట్రల్ జైల్ లో ఆదివారం రాత్రి ఉరేసుకుని కరోనా ఖైదీ ఆత్మహత్య . ఆలస్యంగా వెలుగులోకి వచ్చిన ఘటన. జైలులో ఇటీవల చేసిన వైద్య పరీక్షల్లో మృతుడికి కరోనా పాజిటివ్‌ అని చెబుతున్న అధికారులు. రాజమహేంద్రవరం ప్రభుత్వాసుపత్రిలో మృతదేహం . కుటుంబసభ్యులు ఆసుపత్రి రావడం ఆలస్యంతో మృతదేహానికి నేడు పంచనామా . ఖైదీ స్వగ్రామం పశ్చిమ గోదావరి జిల్లా చింతలపూడి మండలం యర్రంపల్లి. మృతుడి భార్య, తండ్రి తదితరులు హైదరాబాదులో నివాసం. భార్యాభర్తల మధ్య తలెత్తిన మనస్పర్థల కారణంగానే ఉరేసుకుని ఉండవచ్చునని పోలీసులు, జైలు అధికారులు భావిస్తున్నారు. ఆసుపత్రి సమాచారంతో ఒకటో పట్టణ పోలీసులు కేసు నమోదు.
  • ఏపీ ప్రజలకు శుభవార్త: తగ్గుముఖం పట్టనున్న కరోనా. ఇప్పటికే 15 శాతం పైగా హెర్డ్ ఇమ్యూనిటీ గుర్తింపు. ఈ నెల 21 నుంచి కర్నూలు తూర్పుగోదావరి జిల్లాలలో, వచ్చే నెల 4 నుంచి గుంటూరు కృష్ణ అనంతపురం చిత్తూరు నెల్లూరు జిల్లాలలో భారీగా తగ్గుముఖం పట్టనున్న కరోనా. మరణాల సంఖ్యలో కూడా భారీ తేడా కనిపించబోతుంది. శనివారం నుంచి భారీగా మొదలుకానున్న సిరోసర్విలేన్స్. Covid 19 ఏపీ కమాండ్ కంట్రోల్ రూమ్ స్పెషలాఫీసర్ డాక్టర్ సి ప్రభాకర్ రెడ్డి.

చంద్రయాన్ 2 సక్సెసా..? ఫెయిలా..?

Chandrayaan 2 Vikram Lander Updates, చంద్రయాన్ 2 సక్సెసా..? ఫెయిలా..?

చంద్రయాన్ 2 ప్రయోగంలో భాగంగా లాండర్ విక్రం చంద్రునిపై కాలుమోపే సమయంలో ఇస్రోతో సంకేతాల్ని కోల్పోయిన విషయం తెలిసిందే. అయితే, మొదట్లో విక్రం క్రాష్ లాండింగ్‌తో దెబ్బతిని ఉంటుందని భావించినా, తరువాత అది క్షేమంగానే చంద్రునిపై దిగిందనీ, కాకపోతే పక్కకు ఒరిగిపోయిందనీ గుర్తించినట్టు ఇస్రో ప్రకటించింది. ఇక విక్రంతో సంబంధాలు సాధించడానికి ఇస్రో పట్టు వదలని ప్రయత్నాలు చేస్తోంది. ఈ క్రమంలో ఇటీవల ఇస్రో చంద్రయాన్ 2 కు సంబంధించి నాసా సానుకూలంగా స్పందించింది. చంద్రయాన్ విషయంలో భారత శాస్త్రవేత్తల కృషిని పొగడ్తలతో ముంచెత్తింది. ఇక విక్రంతో సంకేతాలు పునరుద్దరించడంలో ఇస్రోకు నాసా తన సహకారాన్ని అందిస్తోంది. విక్రం జీవితకాలం కేవలం 14 రోజులే. ఇప్పటికే ఐదు రోజులు గడిచిపోయాయి. దీంతో నాసా ఇస్రోకి సహకరించడానికి నిర్ణయించిందని తెలుస్తోంది. దీనికి ఇస్రో కూడా అంగీకరించిందనీ ఇప్పటికే విక్రంతో సంబంధాల కోసం నాసా తీవ్రంగా ప్రయత్నిస్తోందనీ చెబుతున్నారు. నాసా జెట్ ప్రొపల్షన్ ల్యాబొరేటరీలోని డీప్ స్పేస్ నెట్‌వర్క్ గ్రౌండ్ స్టేషన్ల నుంచి రేడియో ఫ్రీక్వెన్సీ ద్వారా విక్రమ్‌తో సంకేతాలు పునరుద్ధరించే ప్రయత్నాలు ముమ్మరం చేసినట్టు సంబంధిత వర్గాలు చెబుతున్నాయి.

ఇక 2005లో నాసా ప్రయోగించిన స్పై శాటిలైట్ ఇమేజింగ్ భూ కేంద్రంతో సంకేతాలు నిలిచిపోగా దానిని గుర్తించడంలో ప్రపంచవ్యాప్తంగా గుర్తింపు తెచ్చుకున్న శాస్త్రవేత్త టిల్లే మాట్లాడుతూ.. కాలిఫోర్నియాలోని డీఎస్ఎన్ స్టేషన్ రేడియో ఫ్రీక్వెన్సీ ద్వారా ల్యాండర్‌‌తో కమ్యూనికేషన్‌కు ప్రయత్నిస్తున్నట్టు నిర్థారించారు. నాసా చేస్తున్న ప్రయత్నాలపై ఆయన ట్వీట్ కూడా చేశారు. చంద్రయాన్ 2కు చెందిన విక్రమ్‌ ల్యాండర్‌తో సంబంధాలు పునరుద్దరించడానికి డిఎస్‌ఎన్‌ విభాగాలు తీవ్రంగా శ్రమిస్తున్నాయని, గత రెండు రోజుల నుంచి సిగ్నల్ పంపుతోందని పేర్కొన్నారు.

ఇక నాసాకు చెందిన డీఎస్ఎస్ కేంద్రాలు దక్షిణ కాలిఫోర్నియాలోని గోల్డ్‌స్టోన్, స్పెయిన్‌లోని మాడ్రిడ్, ఆస్ట్రేలియాలోని కాన్‌బెర్రాలో మూడు చోట్ల ఉన్నాయి. భూమికి 120 డిగ్రీల కోణంలో ఉన్న ఈ మూడు కేంద్రాల ద్వారా ఏ ఉపగ్రహానాన్నైనా అంతరిక్షంలో గుర్తించే సామర్థ్యం ఉంది. ప్రతి కేంద్రాలోనూ 26 మీటర్ల ఎత్తు 70 మీటర్ల వ్యాసం కలిగిన కనీసం నాలుగు అతిపెద్ద యాంటిన్నాలు ఉంటాయి. ఒకే సమయంలో అనేక వ్యోమనౌకలతో నిరంతరాయంగా కమ్యూనికేట్ చేయగలవు.

ఇదిలా ఉంటే మరోవైపు చంద్రయాన్ 2 ప్రయోగం పై కర్ణాటక మాజీ సీఎం, జేడీఎస్ నేత కుమారస్వామి వ్యాఖ్యలు చేశారు. చంద్రయాన్-2 ప్రయోగం ప్రధాని నరేంద్ర మోడీ కారణంగానే విఫలమైందంటూ సరికొత్త వివాదానికి తెరతీశారు. ప్రధాని నరేంద్ర మోదీ బెంగుళూరులోని ఇస్రో కేంద్రంలో అడుగుపెట్టడం వల్లే చంద్రయాన్ 2 ప్రయోగం విఫలమైందని ఆయన ఆరోపించారు. ఈ ప్రయోగం కోసం ఇస్రో శాస్త్రవేత్తలు దాదాపు 12 సంవత్సరాలు తీవ్రంగా శ్రమించారని.. మోదీ రాకతో వారి కష్టం వృధా అయిందన్నారు. మోడీ ఇస్రో సెంటర్‌లో అడుగుపెట్టడం వల్ల.. శాస్త్రవేత్తలకు దురదృష్టం పట్టిందని తాను భావిస్తున్నానని చెప్పారు. ఇంతకుముందు మోదీ వల్లే చంద్రయాన్ 2 ప్రయోగం విఫలమైందని ఛత్తీస్ గఢ్ కాంగ్రెస్ మంత్రి అమర్ జీత్ భట్ కూడా వ్యాఖ్యానించారు. అసలు ఇంతకీ చంద్రయాన్ 2 ప్రయోగం సక్సెస్ అయిందా..? లేదా..? ఇంకా కొద్ది రోజులు వెయిట్ చేయాల్సిందే.

Related Tags