Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

రెండో టీ20లో భారత్‌పై వెస్టిండీస్‌ ఘనవిజయం

West Indies beat India by 8 wkts in 2nd T20 Intl, రెండో టీ20లో భారత్‌పై వెస్టిండీస్‌ ఘనవిజయం

భారత్‌తో జరుగుతున్న రెండో టీ 20లో విండీస్‌.. ఘన విజయం సాధించింది. మరో తొమ్మిది బంతులు మిగిలి ఉండగానే.. లక్ష్యాన్ని ఛేదించింది. తొలుత బ్యాటింగ్ చేసిన టీమిండియా.. నిర్ణీత 20 ఓవర్లలో ఏడు వికెట్లు కోల్పోయి.. 170 పరుగులు చేసింది. శివమ్‌ దూబే (54) హాఫ్ సెంచరీతో.. భారత్ గౌరవప్రదమైన స్కోర్ చేయగల్గింది. అయితే 171 పరుగులు విజయ లక్ష్యంతో బరిలోకి దిగిన విండీస్.. కేవలం రెండు వికెట్లు మాత్రమే కోల్పోయి..18.3 ఓవర్లలో టార్గెట్ ఛేదించింది. సిమన్స్‌, లూయిస్‌లు చెలరేగడంతో.. విండీస్ సులువుగా విజయం సాధించింది. సిమ్మన్స్ 45 బంతుల్లో 4 ఫోర్లు, 4 సిక్సర్ల బాది 67 పరుగులు చేసి నాటౌట్‌గా నిలిచాడు. ఇక లూయిస్ 35 బంతుల్లో 3 ఫోర్లు, 3 సిక్సర్ల సహాయంతో 40 పరుగులు చేయగా.. మరో ఆటగాడు హిట్‌మైర్ కూడా 23 పరుగులు చేసి అవుటయ్యారు. ఇక చివర్లో పూరన్.. 38 పరుగులతో నాటౌట్‌గా నిలిచాడు. దీంతో ఎనిమిది వికెట్ల తేడాతో భారత్‌పై విండీస్ విజయం సాధించింది. దీంతో మూడు టీ20ల సిరీస్‌ను 1-1తో సమం అయ్యింది. భారత బౌలర్లలో వాషింగ్టన్‌ సుందర్‌, రవీంద్ర జడేజాలు చెరో వికెట్ తీశారు.

కాగా, తోలుత బ్యాటింగ్ చేసిన టీమిండియా.. యువ ఆటగాడు శివమ్‌ దూబే(54) హాఫ్ సెంచరీ చేయగా.. రిషభ్‌ పంత్‌ 33 పరుగులతో రాణించారు. మిగితా బాట్స్‌మెన్‌ ఘోరంగా విఫలమవ్వడంతో.. భారత్ నిర్ణీత 20 ఓవర్లతో కేవలం 170 పరుగులు మాత్రమే చేసింది. కాగా, కీలకమైన మూడో టీ 20 మ్యాచ్.. ముంబైలోని వాంఖెడే స్టేడియంలో ఈ నెల 11న జరుగనుంది.