బెంగాలీ మూవీలో గ్లామరస్ ఎంపీ..దర్శకుడు మంత్రి !
లోక్ సభలో మోస్ట్ గ్లామరస్ ఎంపీ అనగానే తనే గుర్తుకు వస్తుంది. ఆమె ఎవరో కాదు..ప్రముఖ బెంగాలీ హీరోయిన్ నుస్రత్ జహాన్. తన గురించి ప్రత్యేకంగా పరిచయం చేయాల్సిన అవసరం లేదు. సోషల్ మీడియాలో ఆమెకు ఉన్న పేరు, ఫాలోవర్స్ చాలా ఎక్కువ. అసలు విషయం ఏంటంటే...
లోక్ సభలో మోస్ట్ గ్లామరస్ ఎంపీ అనగానే తనే గుర్తుకు వస్తుంది. ఆమె ఎవరో కాదు..ప్రముఖ బెంగాలీ హీరోయిన్ నుస్రత్ జహాన్. తన గురించి ప్రత్యేకంగా పరిచయం చేయాల్సిన అవసరం లేదు. సోషల్ మీడియాలో ఆమెకు ఉన్న పేరు, ఫాలోవర్స్ చాలా ఎక్కువ. గత ఏడాది క్రితమే సినిమాల నుంచి రాజకీయ ఆరంగేట్రం చేశారు. బసీర్హత్ నుంచి పోటీ చేసి 3లక్షల 50వేల ఓట్ల మెజార్టీతో గెలుపొందారు. స్వయంగా బెంగాలీ ముస్లిం మతస్థురాలైన నుస్రత్.. జైన మతస్తుడైన ప్రముఖ వ్యాపార వేత్త నిఖిల్ జైన్ను వివాహం చేసుకున్నారు. అంతేకాకుండా కట్టుబాట్లను లెక్క చేయకుండా ప్రజలతో కలిసిమెలసి పోతున్నారు. కొన్నాళ్లు విరామం తీసుకున్న ఆమె మళ్లీ కెమెరా ముందుకు రానున్నారు. అది కూడా ఓ మంత్రి దర్శకత్వంలో హీరోయిన్గా నటించబోతున్నారు.
బెంగాల్ సైన్స్ అండ్ టెక్నాలజీ మంత్రి బ్రత్యా బసు దర్శకత్వంలో తెరకెక్కుతున్న ‘డిక్షనరీ’ మూవీలో నుస్రత్ నటిస్తోంది. కథంతా ఆమె చుట్టూనే తిరిగే ఈ చిత్రంలో రోజురోజుకూ కనుమరుగువుతున్న మానవ సంబంధాలను చూపుతున్నారట. ఇది సందేశాత్మక చిత్రమని చెబుతున్నారు. ప్రముఖ బంగ్లాదేశీ నటుడు మొషార్రఫ్ కరీమ్ కూడా ఇందులో నటిస్తున్నాడు. నాటక రంగం నుంచి సినిమాల్లోకి వెళ్లిన బసు 30 సినిమాల్లో నటించారు. 2010లో ‘తారా’ చిత్రం తర్వాత కెమెరాకు దూరంగా ఉన్నారు. తాజాగా అందాల ఎంపీతో ప్రేక్షకుల ముందుకు రానున్నారు. దీంతో వీరిద్దరి కాంబినేషన్ పై బెంగాల్ అభిమానులు, నెటజన్లతో పాటు అందరిలోనూ ఆసక్తి నెలకొంది.