వైష్ణవి చైతన్య... కొద్ది రోజుల క్రితం యూట్యూబ్ షార్ట్ ఫిల్మ్స్ ద్వారా చాలా ఫేమస్. కానీ ఇప్పుడు తెలుగు అడియన్స్ ఫేవరేట్ హీరోయిన్గా క్రేజ్ సొంతం చేసుకుంది.
సాఫ్ట్ వేర్ డెవలపర్ సిరీస్తో సోషల్ మీడియాలో పాపులర్ అయిన వైష్ణవి ఇప్పుడు వెండితెరపై సక్సెస్ ఫుల్ హీరోయిన్గా బ్యాక్ టూ బ్యాక్ చిత్రాలతో బిజీగా మారిపోయింది.
అందుకు కారణం బేబీ చిత్రం. డైరెక్టర్ సాయి రాజేష్ తెరకెక్కించిన ఈ ట్రైయాంగిల్ ప్రేమకథలో వైష్ణవి కథానాయికగా నటించగా.. ఆనంద్, విరాజ్ హీరోలుగా కనిపించారు.
ఈ సినిమాలో వైష్ణవి నటనకు అడియన్స్ ఫిదా అయ్యారు. స్క్రీన్ పై చూసిన ఒక పాత్రను సోషల్ మీడియాలో ట్రోల్ చేశారంటే వైష్ణవి ఆ పాత్రలో ఎంతగా ఒదిగిపోయిందో తెలుస్తోంది.
బేబీ సినిమాతో ఫుల్ క్రేజ్ సంపాదించుకుంది. దీంతో వైష్ణవి తెలుగులో వరుస క్యూ కట్టినట్లుగా తెలుస్తోంది. ప్రస్తుతం ఈ బ్యూటీ డిజే టిల్లు సరసన నటిస్తుంది.
యంగ్ హీరో సిద్ధు జొన్నలగడ్డ, బొమ్మరిల్లు భాస్కర్ కలయికలో ఓ చిత్రం ప్రారంభమైన సంగతి తెలిసిందే. ఇందులో వైష్ణవి చైతన్య కథానాయికగా నటిస్తుంది.
శ్రీ వెంకటేశ్వర సినీ చిత్ర పతాకంపై బీవీఎస్ఎన్ ప్రసాద్ నిర్మిస్తున్న ఈ సినిమా డిసెంబర్ తొలి వారంలో షూటింగ్ స్టార్ట్ కానున్నట్లు తెలుస్తోంది. అందుకు ఏర్పాట్లు జరుగుతున్నాయి.
బేబీ సినిమా తర్వాత సిద్ధూ జొన్నలగడ్డ జోడిగా వైష్ణవి కనిపిస్తుండడంతో ఈ మూవీపై క్యూరియాసిటి నెలకొంది. ఈ సినిమాకు సంబంధించిన మరిన్ని వివరాలు తెలియాల్సి ఉంది.