'ఆర్ఆర్ఆర్' చిత్రంతో గ్లోబల్ స్టార్ గా ఎదిగారు జూనియర్ ఎన్టీఆర్.
భారీ స్థాయి లైనప్ చిత్రాలు అయన చేతిలో ఉన్నాయి.
ప్రస్తుతం ఆయన కొరటాల శివ దర్శకత్వంలో 'దేవర' చిత్రంలో హీరోగా నటిస్తున్నారు.
ఈ చిత్రంతో ఎన్టీఆర్ పక్కన కథానాయకిగా టాలీవుడ్ ఎంట్రీ ఇస్తోంది బాలీవుడ్ బ్యూటీ జాన్వీ కపూర్.
ఈ చిత్రం తర్వాత ప్రశాంత్ నీల్ తో ఓ భారీ బడ్జెట్ చిత్రంలో నటించనున్న సంగతి తెలిసిందే.
ఈ చిత్రంపై చిత్ర ప్రేమికుల్లో భారీ అంచనాలే ఉన్నాయి.
ఇదిలా ఉంటె ఈ చిత్రంలో తారక్ సరసన ఓ గ్లోబల్ స్టార్ నటించనుందని సమాచారం.
ఆమె ఎవరో కాదు బాలీవుడ్ నుంచి గ్లోబల్ స్టార్ గా ఎదిగిన ప్రియాంక చోప్రా.
ప్రియాంక ఈ చిత్రంలో కథానాయకిగా దాదాపుగా కన్ఫామ్ అయినట్టు తెలుస్తోంది.
అయితే దీనిపై ఇంకా ఎలాంటి అధికారిక ప్రకటన రాలేదు.