28 January 2024
TV9 Telugu
హీరో మోటోకార్ప్‌కు చెందిన స్టార్టప్ కంపెనీ అయిన సర్జ్ (Surge) తాజాగా టూ ఇన్ త్రీవీలర్ వెహికల్‌ను లాంఛ్ చేసింది
ఆటోను కేవలం మూడు నిమిషాల్లో స్కూటర్‌గా మార్చుకునే కొత్త వెహికల్‌ను రూపొందించింది మోటో కార్ప్‌కు చెందిన స్టార్టప్ కంపెనీ
ఈ టూ ఇన్ త్రీవీలర్ వెహికల్‌ పూర్తిగా విద్యుత్‌తోనే నడుస్తుంది. ఇందులో అనేక ఫీచర్స్‌ను జోడించింది
సాధారణ ఆటోల వలే ఈ వాహనంలో కూడా విండ్ స్క్రీన్, హెడ్ ల్యాంప్, లగేజ్ ట్రక్, వైఫర్లు ఉంటాయి. డోర్లు లేకపోయినా జిప్ కలిగి ఉండే సాఫ్ట్ డోర్లు ఉంటాయి
కావాలనుకున్నప్పుడు ఈ ఆటో ముందు భాగం నుంచి స్కూటర్‌ను బయటకు తీసుకోవచ్చు. ఈ స్కూటర్‌లో 3కిలో వాట్ల ఇంజిన్, 3.5 కేడబ్ల్యూహెచ్ బ్యాటరీ ఏర్పాటు చేశారు
సర్జ్ ఎస్ 32 పేరుతో లాంఛ్ అయిన ఈ వెహికల్‌లోని ఆటో 50 కి.మీ. గరిష్ట వేగంతో 500 కిలోల బరువును రవాణా చేయగలదు
స్కూటర్ 60 కి.మీ. గరిష్ట వేగంతో ప్రయాణం చేయగలదు. ఈ ఆటోను సరకు రవాణా వాహనంగానూ, ప్రయాణికుల వాహనంగానూ ఉపయోగించుకోవచ్చు
హీరో నుంచి ఆటోను కేవలం మూడు నిమిషాల్లో స్కూటర్‌గా మార్చుకునే కొత్త వెహికల్‌. దీని పూర్తి వివరాలు తెలియాల్సి ఉంది