‘ఆర్ఆర్ఆర్’ చిత్రం ప్రపంచవ్యాప్తంగా రికార్డులు సృటించిన సంగతి తెలిసిందే.
ఈ చిత్రం భారీ వసూళ్లుతో పాటు ఎన్నో ప్రతిష్ఠాత్మకమైన అవార్డులను కైవసం చేసుకుంది.
కాగా తాజాగా ‘స్పైడర్ మ్యాన్’ హీరో టామ్ హాలండ్ ఈ చిత్రంపై ప్రశంసలు కురిపించారు.
ఇటీవల ఓ ఇంటర్వ్యూలో ‘ఆర్ఆర్ఆర్’ చిత్రం గురించి ఆయన మాట్లాడారు.
ఇటీవల ముంబయిలో జరిగిన నీతా ముకేశ్ అంబానీ కల్చరల్ సెంటర్ ప్రారంభోత్సవానికి హాజరయ్యారు టామ్ హాలండ్.
మూడు రోజుల పాటు భారత్లోనే ఉన్న అయన తాజాగా ఓ ఇంటర్వ్యూలో భారత్ పర్యటన గురించి చెప్పారు.
ఆ సమయంలోనే ‘ఆర్ఆర్ఆర్’ గురించి కూడా ప్రస్తావించారు స్పైడర్ మ్యాన్.
‘‘నాకు భారత్ పర్యటన ఎన్నో మంచి జ్ఞాపకాలనిచ్చింది. ఆ పర్యటనను జీవితంలో మర్చిపోలేను. మళ్లీ భారత్కు వెళ్లాలనుకుంటున్నాను.
మూడు రోజుల్లో ఎంతో మంది ప్రముఖులను కలిశాను. ఒక్క మాటలో చెప్పాలంటే అద్భుతంగా గడిచింది.
అలాగే ఈ మధ్యనే నేను ‘ఆర్ఆర్ఆర్’ చూశాను. ఆ సినిమా చాలా బాగుంది. నాకెంతో నచ్చింది’’ అంటూ ప్రశంసలు కురిపించారు స్పైడర్ మ్యాన్.