సమంత, నాగచైతన్య జీవితంలో ఏ మాయ చేసావె సినిమా సినిమా నిజంగానే మాయ చేసింది.
ఇద్దరి కెరీర్‌ను మలుపు తిప్పిన ఈ సినిమాతోనే వారి ప్రేమ ప్రయాణం మొదలైంది.
ఈ జంటను చూసి ముచ్చటపడని వారు లేరంటే అతిశయోక్తి కాదు. పెళ్లి తర్వాత మజిలీ చిత్రంతో మరోసారి మెప్పించారిద్దరూ.
కానీ ఎవరి కన్ను కుట్టిందో ఏమో కానీ 2021 అక్టోబర్‌లో వైవాహిక బంధానికి స్వస్తి పలుకుతున్నట్లు ప్రకటించారు.
ఈ నిర్ణయంతో అభిమానుల మనసు ముక్కలైంది. ఎంతగానో అభిమానించిన జంట ఇక మీదట కలిసి ఉండబోదని తెలిసి తీవ్ర నిరాశకు లోనయ్యారు ఫ్యాన్స్‌.
విడాకుల తర్వాత సమంత పుష్పలో ఊ అంటావా సాంగ్‌ చేయడంపై ఆమెపై విపరీతమైన ట్రోలింగ్‌ జరిగింది.
తాజాగా చైతో విడాకులు, తనపై జరిగిన ట్రోలింగ్‌పై స్పందించింది సామ్‌. 'అవి నా జీవితంలో చీకటి రోజులు.. పిచ్చిపిచ్చి ఆలోచనలు వస్తుండేవి.
ఆ ఆలోచనలు నన్ను నాశనం చేయకూడదని నిర్ణయించుకున్నాను. నా మనసుకు నచ్చినట్లు రియాక్ట్‌ అయ్యా. ముందడుగు వేశా.
అదృష్టం ఏంటంటే కుటుంబ సభ్యులు, మిత్రులు చాలామంది నాకు అండగా నిలబడ్డారు.
కానీ ఇప్పటికీ ఆ బాధ నుంచి పూర్తిగా కోలుకోలేకపోతున్నా. కాకపోతే ముందుతో పోలిస్తే ఆ చీకటి రోజులు కొంత తగ్గాయి.
క్లిష్ట పరిస్థితులు ఎదురైనప్పుడు వాటిలోనే మనం చిక్కుకుని ఉండిపోకూడదు' అని చెప్పుకొచ్చింది సామ్‌.