ప్రస్తుతం సినీరంగంలో నటీనటుల పారితోషికాల గురించి సోషల్ మీడియాలో తెగ చర్చలు జరుగుతున్నాయి.
కాగా తాజాగా ఈ విషయంపై స్పందించారు హీరోయిన్ రకుల్.
‘‘ఒక సినిమా కోసం నటీనటులిద్దరూ ఒకేలా కష్టపడతారు. అయినా రెమ్యునరేషన్ విషయంలో చాలా వైవిధ్యం చూపిస్తారు.
నిజానికి ప్రేక్షకులను థియేటర్కు తీసుకురాగల సత్తా నటీమణులకూ ఉంటుంది.
ఈ విషయాన్ని చిత్రపరిశ్రమలోని వారు గుర్తించాలి. సినిమాలో ప్రధానపాత్రల్లో నటించిన వారికి పారితోషికం ఒకేలా ఇవ్వాలి.
మహిళలైతే ఒకలా.. పురుషులకైతే మరోలా ఇవ్వకూడదు. సినిమాలోని పాత్ర ప్రేక్షకులను ఆకట్టుకుందంటే అది ఆ పాత్రకు ఉన్న బలం.
అంతేకానీ అందులో ఎవరు నటించారన్నది కాదు’’ అని ఆమె అభిప్రాయాన్ని తెలిపారు రకుల్ ప్రీత్ సింగ్.
కాగా ప్రస్తుతం కమల్ హాసన్ హీరోగా తెరకెక్కుతోన్న ‘భారతీయుడు2’ చిత్రంతో ప్రేక్షకుల ముందుకు రానున్నారు రకుల్.