స్టార్‌ హీరోయిన్‌ పూజాహెగ్డే ఇంట్లో పెళ్లి సందడి నెలకొంది
ఆమె సోదరుడు రిషబ్‌ హెగ్డే వివాహం అంగరంగవైభవంగా జరిగింది
శివానీశెట్టి అనే మహిళను అతను వివాహమాడాడు. ఈ పెళ్లికి సంబంధించి అన్ని వ్యవహారాలను దగ్గరుండి చూసుకుంది పూజా
సుమారు వారం రోజుల నుంచి ఇంటి దగ్గరే ఉంటూ పెళ్లి ఏర్పాట్లు చేసింది
ఈ సందర్భంగా తన ఆనందాన్ని పంచుకుంటూ పెళ్లి ఫోటోలను సోషల్‌ మీడియాలో షేర్‌ చేసింది
‘నా సోదరుడు ప్రేమ పెళ్లి చేసుకున్నాడు. ఈ వేడుక ప్రారంభం నుంచి నేను ఎప్పుడూ లేనంత సంతోషంగా ఉన్నా
చిన్నపిల్లలా నవ్వేశా. ఆనందభాష్పాలు వచ్చాయి. మా సోదరుడు తన జీవితంలో తదుపరి అధ్యాయంలోకి అడుగుపెడుతున్నాడు
మీరు కూడా నిండు మనసుతో ఆశీర్వదించాలని కోరుకుంటున్నా’ అని తన ప్రేమను కురిపించిందీ బుట్టబొమ్మ
పెళ్లి ఫొటోల్లో పూజా హెగ్డే ఎర్రని పట్టుశారీలో ఎంతో అందంగా కనిపించింది. ప్రస్తుతం ఈ ఫొటోలు సోషల్‌ మీడియాలో వైరల్‌గా మారాయి
సినీ తారలు, నెటిజన్లు, అభిమానులు సైతం కొత్త దంపతులకు శుభాకాంక్షలు, విషెస్‌ తెలియజేస్తున్నారు