TV9 Telugu
22 June 2024
టీం ఇండియా వెటరన్ ఫాస్ట్ బౌలర్ మహమ్మద్ షమీ, మాజీ టెన్నిస్ స్టార్ సానియా మీర్జా ప్రస్తుతం వార్తల్లో నిలిచారు.
దీనికి కారణం ఈ ఇద్దరు ఆటగాళ్లు త్వరలో నిశ్చితార్థం చేసుకోబోతున్నారనే వార్తలు సోషల్ మీడియాలో షికార్లు చేస్తున్నాయి.
ఇప్పటి వరకు, దీనిపై ఖచ్చితమైన సమాచారం వెల్లడి కాలేదు. ఇరువైపుల నుంచి ఎటువంటి వివరణ రాలేదు.
అయితే వీటన్నింటి మధ్య, సానియా మీర్జా ఒక ప్రత్యేక పోస్ట్ చేసింది. దీనిలో ఆమె ప్రజలను ఓపికపట్టండి అంటూ సూచించింది.
సానియా తన ఇన్‌స్టాగ్రామ్ ఖాతాలో ఒక కథనాన్ని పంచుకుంది. అందులో 'ఓపికగా ఉండండి, మీ ఓపిక అల్లా మాత్రమే' అంటూ రాసింది.
పెళ్లి వార్తల విషయంలో సానియా ఇలా చెప్పిందా లేక పుకార్లు వ్యాప్తి చెందకుండా ఉండేందుకు సానియా ఇలా చెప్పిందా అనేది ఆమెకే తెలుసు.
ప్రస్తుతం సానియా దృష్టి కేవలం హజ్ యాత్రపైనే ఉందని, ఇందుకోసం మక్కా-మదీనాకు వెళ్లనుందని సమాచారం. తాను తొలిసారి హజ్‌కు వెళ్తున్నట్లు సానియా తెలిపింది.
తాజాగా ఈ విషయంపై సానియా మీర్జా తండ్రి ఇమ్రాన్ మీర్జా ఘాటుగా రియాక్ట్ అయ్యారు. మహ్మద్ షమీతో సానియా పెళ్లి అంటూ వస్తోన్న వార్తలు నమ్మవద్దని, అవన్నీ చెత్త వార్తలన్నారు.