తమిళం, తెలుగు, హిందీ భాషల్లో స్టార్‌ హీరోలతో నటించిన యువ తమిళ నటి మేఘా ఆకాష్‌.
ముఖ్యంగా తమిళంలో రజనీకాంత్‌తో కలిసి పేట చిత్రంలోనూ, ధనుష్‌ సరసన ఎనై నోక్కి పాయుమ్‌ తూటా చిత్రంలోనూ నటించింది.
అయితే ఇప్పటికీ ఈ భామకు అనుకున్న స్థాయిలో స్టార్‌ అంతస్థు రాలేదని చెప్పాలి.
కాగా ఈమె ఇటీవల ఒక ఇంటర్వ్యూలో తన గురించి తెలుపుతూ తాను చైన్నెలో పుట్టిన పెరిగిన అచ్చ తమిళ అమ్మాయినని చెప్పింది.
దీంతో తాను చదువుకుంటునే పాకెట్‌ మనీ కోసం చిన్న చిన్న వాణిజ్య ప్రకటనల్లో నటించానని చెప్పింది.
ఆ తరువాత సినిమాల్లో నటించే అవకాశాలు వచ్చాయని తెలిపింది. తన చూట్టూ ఉన్న తన తల్లి తనతో ఉండాల్సిందేనని చెప్పింది.
తనకు క్రికెట్‌ క్రీడాకారుడు ఎంఎస్‌ ధోని అంటే చాలా ఇష్టమని, తాను ఆయన వీరాభిమానినని చెప్పింది.
ఇక నటి త్రిష అంటే చాలా ఇష్టమని పేర్కొంది. పుస్తకాలు చదవడం, పాటలు వినడం తన హాబీ అని మేఘా ఆకాష్‌ పేర్కొంది.