‘వాల్తేరు వీరయ్య’తో బ్లాక్ బూస్టర్ అందుకున్న చిరు ప్రస్తుతం ‘భోళా శంకర్’గా అలరించేందుకు సిద్ధమవుతున్నారు.
చిరంజీవి హీరోగా నటిస్తున్న ఈ చిత్రాన్ని మెహర్‌ రమేష్‌ రూపొందిస్తున్నారు.
రామబ్రహ్మం సుంకర నిర్మిస్తున్న ఈ చిత్రంలో చిరుకి జోడీగా తమన్నా నటిస్తుంది.
కీర్తి సురేష్‌ ఈ చిత్రంలో చిరు చెల్లెలిగా కనిపించనున్నారు.
సోమవారం కార్మికుల దినోత్సవం సందర్భంగా చిరు కొత్త లుక్ పోస్టర్లు విడుదల చేసింది చిత్ర బృందం.
ఆ పోస్టర్లో ఆయన టాక్సీ డ్రైవర్‌గా చేతిలో టీ కప్పుతో మాస్‌ స్టైలిష్‌ లుక్‌లో ప్రేక్షకులను ఆకట్టుకుంటున్నారు.
ప్రస్తుతం హైదరాబాద్‌లో ఈ సినిమా షూటింగ్ జరుగుతోంది. దీని తర్వాత షెడ్యూల్‌ కోల్‌కతాలో మొదలవుతుంది.
కాగా ఈ చిత్రం ఆగస్టు 11న ప్రేక్షకుల ముందుకు రానుంది.