మెగాస్టార్‌ చిరంజీవి, మాస్‌ మహారాజా రవితేజ కాంబినేషన్‌లో వచ్చిన మెగా మల్టీస్టారర్‌ సినిమా వాల్తేరు వీరయ్య.
సంక్రాంతి కానుకగా జనవరి 13న విడుదలై ఈ మెగా మాస్‌ ఎంటర్‌టైనర్‌ బాక్సాఫీస్‌ వద్ద బ్లాక్‌ బస్టర్‌ హిట్‌గా నిలిచింది.
సుమారు రూ. 250 కోట్లకు పైగా వసూళ్లు సాధించి సంక్రాంతి విజేతగా నిలిచింది. ఇక ఓవర్సీస్‌లోనూ 2.5 మిలియన్ డాలర్లను కొల్లగొట్టేసింది.
అంతేకాదు చిరంజీవి సినీ కెరీర్‌లో బిగ్గెస్ట్ హిట్‌గా నిలిచింది వాల్తేరు వీరయ్య.
ఇప్పటికే థియేట్రికల్ రన్ ముగిసిని కొన్ని కేంద్రాల్లో నేటితో వంద రోజుల రన్‌ను పూర్తి చేసుకోవడం విశేషం.
ఒకప్పుడు ఒక సినిమా ఇన్ని సెంటర్స్‌లో 100 రోజులు నడిస్తే గొప్ప. ఈ డిజిటల్ యుగంలో ఓ సినిమా వారం రోజులు నడిస్తే హిట్ కిందే లెక్క.
అలాంటి వాల్తేరు వీరయ్య సినిమా సంక్రాంతి కానుకగా విడుదలై 100 రోజులు పూర్తి చేసుకోవడంతో మెగాభిమానులు సంబరాలు చేసుకుంటున్నారు.