పరగడుపున బొప్పాయి తింటే.. ఆ సమస్యలపై యమపాశం ప్రయోగించినట్టే..
26 August 2025
Prudvi Battula
బొప్పాయి తినడం వల్ల ఆరోగ్యానికి ఎంతో మేలు జరుగుతుంది. బొప్పాయి ఆరోగ్య గుణాల నిధి అని నిపుణులు చెబుతారు.
బొప్పాయిలో ఫైబర్, యాంటీ ఆక్సిడెంట్లు సహా అనేక ముఖ్యమైన మినరల్స్ , విటమిన్లు ఉన్నాయి. ఇవి మనలోపల నుంచి పోషణలో సహాయపడతాయి.
బొప్పాయి పండుని ఖాళీ కడుపుతో తింటే ఎన్నో ఆరోగ్య ప్రయోజనాలు ఉంటాయని ఎందరో పోషకాహార నిపుణులు అంటున్నారు.
రోజూ ఖాళీ కడుపుతో బొప్పాయి తినడం వల్ల జీర్ణవ్యవస్థ ఆరోగ్యంగా ఉంటుంది. మలబద్ధకం, ఉబ్బరాన్ని నివారిస్తుంది. కడుపునొప్పి సమస్య నుంచి కూడా ఉపశమనం కలిగిస్తుంది.
బొప్పాయి పండులో ఉండే ఫైబర్ బ్లడ్ షుగర్ నియంత్రణలో సహాయపడుతుంది. అలాగే ఇన్సులిన్ సెన్సిటివిటీని పెంచుతుంది.
బొప్పాయి పండు రక్తంలో చక్కెరను నియంత్రించడంలో చాలా సహాయపడుతుంది. దీంతో రక్తం శుద్ధి చేయబడుతుందని వైద్యులు అంటున్నారు.
బొప్పాయిలో లైకోపీన్ , విటమిన్ సి ఉన్నాయి. ఇది ఫ్రీ రాడికల్ డ్యామేజ్ని తగ్గించడం ద్వారా చర్మాన్ని అకాల వృద్ధాప్యం నుండి కాపాడుతుంది.
విటమిన్ సీ, యాంటీ-ఆక్సిడెంట్లు బొప్పాయిలో పుష్కలంగా లభిస్తాయి. ఇవి మంచి కొలెస్ట్రాల్ స్థాయిని పెంచుతాయి. ఇది గుండె జబ్బులను దూరం చేస్తుంది.