ఓం రౌత్ దర్శకత్వంలో పాన్ ఇండియా హీరో ప్రభాస్ రాముడి పాత్రలో నటిస్తోన్న చిత్రం ‘ఆదిపురుష్’.
రామాయణం ఆధారంగా రూపొందితున్న ఈ చిత్రంలో బాలీవుడ్ నటి కృతిసనన్ సీత పాత్ర పోషిస్తోన్న విషయం తెలిసిందే.
జూన్ 16న ఈ చిత్రం పాన్ ఇండియా స్థాయిలో ప్రేక్షకుల ముందుకు రానుంది.
దీంతో ప్రమోషన్స్ పర్వం షురూ చేసింది చిత్రబృందం.
ఈ నేపథ్యంలో ఈ సినిమా శనివారం ఉదయం కొత్త పోస్టర్లు, మోషన్ పోస్టర్ విడుదల చేసింది చిత్రబృందం.
ఈ మోషన్ పోస్టర్లో సీతమ్మగా లంకలో రాముడి రాక కోసం కంటతడితో ఎదురుచూస్తున్నట్లు కృతిసనన్ ఆకట్టుకునేలా ఉన్నారు.
అలాగే, శ్రీరాముడు హనుమంతుడితో కలిసి లంకకు పయనమైనట్లు కూడా కనిపిస్తుంది.
తాజాగా విడుదలైన ఈ పోస్టర్లు ప్రస్తుతం సోషల్ మీడియాలో వైరల్ అవుతున్నాయి.