జయాపజయాలతో సంబంధం లేకుండా వరుస చిత్రాలతో దూసుకెళుతున్నారు యువ హీరో కిరణ్ అబ్బవరం.
హీరోగా నటిస్తూనే తన చిత్రాల్లో కొన్నింటికి కథలు కూడా రాసుకుంటున్నారు కిరణ్.
‘ఎస్‌ఆర్‌ కళ్యాణ మండపం, నేను మీకు బాగా కావాల్సినవాడిని’ వంటి చిత్రాలకు కథ అందించారు అయన.
తాజాగా ఓ మల్టీస్టారర్‌ చిత్రం కోసం కథ సిద్ధం చేస్తున్నారు కిరణ్ అబ్బవరం.
ఈ చిత్రంలో కిరణ్‌తో పాటు ఓ స్టార్ హీరో కూడా నటించనున్నారు.
ఓ నూతన దర్శకుడు దర్శకత్వం వహించనున్న ఈ మల్టీస్టారర్‌ చిత్రాన్ని ఓ పెద్ద సంస్థ నిర్మించనుంది.
ఈ చిత్రంతో పాటు మరో మూడు భారీ ప్రాజెక్టుల్లో నటించనున్నారు కిరణ్.
కాగా ప్రస్తుతం రత్నం కృష్ణ దర్శకత్వంలో కిరణ్ హీరోగా నటించిన ‘రూల్స్‌ రంజన్‌’ చిత్రం ప్రేక్షకలను అలరించేందుకు సిద్ధం అవుతోంది.