నిఖిల్, అనుపమా పరమేశ్వరన్ జంటగా నటించిన చిత్ర కార్తికేయ2.
ఆగస్టు 13న విడుదలైన ఈ సినిమా బాక్సాఫీస్ వద్ద భారీ విజయాన్ని అందుకుంది.
సినిమా విడుదలై నెల రోజులవుతున్నా కలెక్షన్లు ఏ మాత్రం తగ్గడం లేదు.
తెలుగుతో పాటు హిందీలోనూ బ్లాక్ బస్టర్గా నిలిచిన ఈ చిత్రం ఇప్పటివరకు 100 కోట్లకు పైగా గ్రాస్ను కలెక్ట్ చేసినట్లు ట్రేడ్ నిపుణులు చెబుతున్నారు.
ఇలా వసూళ్ల పరంగా రికార్డులు సృష్టిస్తోన్న ఈ చిత్రం తాజాగా మరో అరుదైన ఘనతను అందుకుంది.
యూఎస్ఏలోనూ కార్తికేయ-2 దూసుకుపోతుంది. తాజాగా ఈ చిత్రం యూఎస్ఏలో 1.5 మిలియన్ డాలర్లు సాధించింది.
అంతేకాకుండా నాలుగో వారంలోనూ 80కు పైగా లొకేషన్లలో ప్రదర్శితమవుతోన్న మొదటి తెలుగు సినిమాగా రికార్డు సృష్టించింది.
ఈ విషయాన్ని సోషల్ మీడియా వేదికగా షేర్ చేసింది చిత్ర బృందం.