నందమూరి హీరోల సినిమాలకి.. మెగా హీరోల సినిమాలకి మధ్య ఓ ఆరోగ్యకరమైన పోటీ ఉంటుంది.
ఈ ఏడాది ‘వీరసింహారెడ్డి’ ‘వాల్తేరు వీరయ్య’ వంటి సినిమాలు సంక్రాంతికే రిలీజ్ అయ్యి సూపర్ హిట్లు అయ్యాయి.
చిరంజీవి- బాలకృష్ణ ల మధ్య మంచి సాన్నిహిత్యం ఉన్న సంగతి తెలిసిందే.
మరోపక్క నందమూరి హీరో అయిన ఎన్టీఆర్ కి.. మెగా హీరో అయిన రాంచరణ్ కి మధ్య మంచి ఫ్రెండ్ షిప్ ఉంది.
అందుకే ‘ఆర్.ఆర్.ఆర్’ వంటి బిగ్గెస్ట్ బ్లాక్ బస్టర్ మూవీ ఈ కాంబినేషన్లో రూపొందింది.
‘ఆర్.ఆర్.ఆర్’ ప్రమోషన్స్ టైంలో ఎన్టీఆర్.. చిరంజీవి సినిమాల్లో తనకు ఇష్టమైన సినిమా ఏంటనేది తెలిపాడు.
చిరంజీవి సినిమాల్లో తనకు రుద్రవీణ సినిమా అంటే చాలా ఇష్టమట.
అది పెద్దగా ఆడిన సినిమా కాదు. కానీ ఓ స్టార్‌ హీరో అయ్యుండి కూడా.. అలాంటి సినిమా చేయడానికి ఒప్పుకున్నారు.
ప్రతి నటుడికి ఉండాల్సిన తపన అది. మనలోని నటుడ్ని సంతృప్తి పరచడం అనేది చాలా కష్టమైన పని’’ అంటూ ఎన్టీఆర్ చెప్పుకొచ్చాడు.
అప్పుడు ఎన్టీఆర్ చేసిన కామెంట్స్ ఇప్పుడు మరోసారి వైరల్ అవుతున్నాయి.