‘ఆర్ఆర్ఆర్’ సినిమా తో ఎన్టీఆర్ క్రేజ్ మరింత పెరిగిపోయింది. పాన్ ఇండియా స్టార్ అయిపోయారు.
ఇప్పుడు యంగ్ టైగర్ ఎన్టీఆర్ స్టార్ డైరెక్టర్ కొరటాల శివ కాంబో లో ఇంకో సినిమా ఓకే చేసారు. అయితే సినిమా టైటిల్ ఇంకా ఫిక్స్ చెయ్యలేదు.
ఇంతకు ముందు ఎన్టీఆర్, కొరటాల శివ కాంబో లో వచ్చిన జనతా గ్యారేజ్‌ బ్లాక్ బస్టర్ చిత్రం వచ్చిన నేపథ్యంలో ఎన్టీఆర్ 30పై భారీ అంచనాలు నెలకొన్నాయి.
ఇప్పుడు ఈ తాజా చిత్రం ఈ నెల 24 నుంచి సెట్ మీదకు వెళ్లబోతోంది.
ఇప్పటికే వచ్చిన పోస్టర్స్, వీడియోస్ ని బట్టి ఈ చిత్రం సముద్రం, పోర్ట్, స్మగ్లింగ్ నేపథ్యంలో అల్లుకున్న కథ అని తెలుస్తోంది.
అయితే తాజాగా ఈ చిత్రానికి సంబంధించిన ఒక అప్డేట్ వైరల్ గా మారింది.
ఈ మూవీ లో ఎన్టీఆర్ తండ్రీ కొడుకులుగా నటించబోతున్నట్లు తెలుస్తోంది. రివెంజ్ డ్రామాగా ఈ సినిమా తెరకెక్కనున్నట్లు సమాచారం.
ఇక మరోవైపు ఇప్పటికే ఎన్టీఆర్ బర్త్ డే కానుకగా వచ్చిన ఒక మాస్ మోషన్ పోస్టర్ గ్లింప్స్ అందర్నీ ఆకట్టుకుంది.