భారతదేశ జాతీయ క్రీడ ఏంటని అడిగితే ఎవరైనా వెంటనే చెప్పే సమాధానం హాకీ. అయితే ఇది తప్పు అని అంటే మీరు నమ్ముతారా.
అవునండి హాకీ మన జాతీయ క్రింద కాదు. ఈ విషయాన్ని గతంలో ఓ సారి RTI వెల్లడించింది. మరి జాతీయ క్రీడ ఏంటి అనుకొంటున్నారా.?
ఉత్తర మహారాష్ట్రలోని ధులే జిల్లాకు చెందిన ఓ పాఠశాల ఉపాధ్యాయుడు ఆర్టీఐ ద్వారా అడిగిన ప్రశ్నకు సమాధానంగా మంత్రిత్వ శాఖ ఈ విషయాన్ని వెల్లడించింది.
మహారాష్ట్ర లోని వి కె పాటిల్ ఇంటర్నేషనల్ స్కూల్‌లో టీచర్ గా ఉన్న మయూరేష్ అగర్వాల్ ను హాకీని దేశ జాతీయ క్రీడగా ఎప్పుడు ప్రకటించారని విద్యార్థులు అడిగారు.
ఈ నేపథ్యంలో తాను ఈ ప్రశ్నను సమాధానం కోసం RTIకి లేఖ రాశారు. దీనికి జనవరి 15, 2020న సమాధానం వచ్చింది.
"ప్రభుత్వం ఏ క్రీడను జాతీయ క్రీడగా ప్రకటించలేదు, ఎందుకంటే అన్ని ప్రముఖ క్రీడా విభాగాలను ప్రోత్సహించడం ప్రభుత్వ లక్ష్యం" అని మంత్రిత్వ శాఖ పేర్కొంది.
RTI ఇచ్చిన ఈ సమాధానం ప్రకారం భారతదేశానికి అస్సలు ఎలాంటి జాతీయ క్రీడ లేదని 4 ఏళ్ల క్రితమే వెల్లడైంది.
ఈ విషయం చాలామందికి తెలియక ఇప్పటికి దేశ జాతీయ క్రీడ హాకీ అనుకొంటున్నారు. పాఠశాలల్లో కూడా ఇది బోధిస్తున్నారు.