‘ఊపిరి’, ‘ఖైదీ’ లాంటి బ్లాక్ బూస్టర్ చిత్రాలతో తెలుగు ప్రేక్షకులను ఆకట్టుకున్నారు కార్తి.
ఇటీవలే విడుదలైన ‘పొన్నియిన్ సెల్వన్ 2’ చిత్రంలో ఓ కీలక పాత్రలో కార్తి నటించి మెప్పించారు.
ప్రస్తుతం ఆయన హీరోగా తెరకెక్కుతున్న తాజా చిత్రం ‘జపాన్’.
ఈ చిత్రంలో విచిత్రమైన వేషధారణతో విడుదలైన కార్తి ఫొటోలు ఆకట్టుకున్నవిషయం తెలిసిందే.
ప్రస్తుతం రామోజీ ఫిల్మ్సిటీలో ఈ చిత్రంలోని కీలక సన్నివేశాల చిత్రీకరణ జరుగుతోంది.
ఈ షెడ్యూల్లో కార్తితోపాటు పోలీస్ గెటప్పుల్లో ఉన్న కొంతమంది ఆర్టిస్టులపై కీలక ఫైట్ ఘట్టాల్ని రూపొందిస్తున్నారు.
రాజు మురుగున్ దర్శకత్వంలో వస్తున్న ఈ చిత్రాన్ని డ్రీమ్ వారియర్స్ పిక్చర్స్ నిర్మిస్తోంది.
ఈ చిత్రంలో కార్తికి జోడిగా అను ఇమ్యాన్యుయేల్ నటిస్తోంది.