‘మిస్‌ శెట్టి మిస్టర్‌ పొలిశెట్టి’గా ప్రేక్షకులను సిద్ధమవుతున్నారు అనుష్క, నవీన్‌ పొలిశెట్టి.
వీరిద్దరూ కలిసి నటిస్తున్న ఈ చిత్రాన్ని పి.మహేష్‌బాబు రూపొందిస్తున్న విషయం తెలిసిందే.
యూవీ క్రియేషన్స్‌ సంస్థ నిర్మిస్తున్న ఈ చిత్రం ప్రస్తుతం నిర్మాణాంతర పనుల్లో ఉంది.
తాజాగా ఈ చిత్రం కోసం తమిళ స్టార్‌ హీరో ధనుష్ రంగంలోకి దిగారు.
ఈ చిత్రంలో ఆయన తమిళంతోపాటు తెలుగులోనూ ఓ ప్రత్యేక గీతాన్ని ఆలపించారని తెలుస్తోంది.
ఇప్పటికే రికార్డింగ్‌ పూర్తయిందని, ఈ గీతం సినిమాకి ప్రత్యేక ఆకర్షణగా నిలవనుందని తెలిపాయి చిత్ర వర్గాలు.
కాగా త్వరలో ఈ పాటని ప్రేక్షకుల ముందుకు తీసుకురానున్నారు.
ఈ చిత్రాన్ని జులైలో విడుదల చేసేందుకు సన్నాహాలు చేస్తున్నట్లు సమాచారం.