13 November 2023
ఆరోగ్యంగా ఉండటానికి కూరగాయలు, పండ్లు తినడం చాలా ముఖ్యం. ఎందుకంటే ఇవి శరీరానికి కావల్సినంత పోషణను అందిస్తాయి.
కూరగాయలు వండటం వల్ల పోషకాలు తగ్గుతాయని చాలా మంది పచ్చిగా సలాడ్ రూపంలో తీసుకుంటారు. వీటిద్వారా చాలా పోషకాలు లభిస్తాయి.
అయితే, అన్ని కూరగాయల మాదిరిగా.. కొన్నింటిని పచ్చిగా తినడం ఆరోగ్యానికి మంచిది కాదు. పచ్చిగా తినడం వల్ల అనారోగ్య సమస్యలు వస్తాయి. అవేంటో తెలుసుకోండి
పచ్చి బంగాళదుంపలు ఎప్పుడూ తినకూడదు. ఎందుకంటే ఇందులో సోలానిల్ అనే విష పదార్థం ఉంటుంది. పచ్చిగా తినడం వల్ల గ్యాస్, వాంతులు, తలనొప్పి, వికారం జీర్ణ సమస్యలు వస్తాయి.
క్యాలీఫ్లవర్, క్యాబేజీ, బ్రకోలీ వంటి కూరగాయలను పచ్చిగా తినకూడదు. ఈ కూరగాయలలో చక్కెర కంటెంట్ ఉంటుంది. ఇది జీర్ణం కావడం కష్టం.
బచ్చలికూర వంటి ఆకు కూరలను కొంతమంది పచ్చిగా సలాడ్ రూపంలో తీసుకుంటారు. ఇవి కిడ్నీ ఆరోగ్యంపై ప్రతికూల ప్రభావాన్ని చూపుతాయి.
పుట్టగొడుగులు ఆరోగ్యానికి చాలా మంచిది. కానీ ఎప్పుడూ పచ్చిగా తినకూడదు. ఎందుకంటే ఇది జీర్ణవ్యవస్థను దెబ్బతీస్తుంది.
పచ్చి లేదా వండని ఎర్రటి కిడ్నీ బీన్స్‌లో గ్లైకోప్రొటీన్ లెక్టిన్ అనే టాక్సిన్ అధిక స్థాయిలో ఉంటుంది. దీన్ని పచ్చిగా తీసుకోవడం వల్ల వికారం, వాంతులు మరియు విరేచనాలు వంటి సమస్యలు వస్తాయి.