11 October 2023
కరివేపాకులో ఎన్నో పోషకాలతోపాటు ఔషధ గుణాలు పుష్కలంగా దాగున్నాయి. కరివేపాకులోని లక్షణాలు ఆహారం వాసన, రుచిని పెంచుతాయి.
కరివేపాకును వేయించిన వెంటనే దాని పరిమళం ఇంటింటా వ్యాపిస్తుంది. దానిలోని పోషక విలువల కారణంగా ఆరోగ్యానికి చాలా ఉపయోగకరంగా పరిగణిస్తారు.
కరివేపాకులో భాస్వరం, ఇనుము, కాల్షియం, విటమిన్ సి, ఎ వంటి అనేక పోషకాలు దాగున్నాయి. అందుకే వైద్య నిపుణులు కరివేపాకును తినాలని సూచిస్తుంటారు.
కరివేపాకును తినడం వల్ల శరీరం డిటాక్స్‌ అవుతుంది. జుట్టు, చర్మం ఆరోగ్యంగా ఉంచడానికి ఉపయోగిస్తారు. డయాబెటిక్ రోగుల చక్కెరను నియంత్రించడానికి ఉపయోగకరంగా ఉంటుంది.
రక్తహీనత (హీమోగ్లోబిన్ లోపం) సమస్య ఉన్న వారు కరివేపాకును తినడం మంచిది. దీనిలోని ఐరన్‌, విటమిన్ సి రక్తహీనతను తొలగించి రోగనిరోధక శక్తిని బలపరుస్తుంది.
కరివేపాకులను ప్రతిరోజూ తీసుకుంటే జీర్ణక్రియ మెరుగుపడుతుంది. గ్యాస్, మలబద్ధకం, తిమ్మిరి వంటి కడుపు సంబంధిత సమస్యల నుంచి ఉపశమనం లభిస్తుంది.
చాలా సార్లు వికారం, వాంతులు వంటి సమస్యలు ఉదయాన్నే మొదలవుతాయి. కరివేపాకు మీకు మార్నింగ్ సిక్నెస్ నుండి ఉపశమనం కలిగిస్తుంది.
కరివేపాకు తీసుకోవడం ద్వారా బ్లడ్ షుగర్ అదుపులో ఉంటుంది. అంతే కాకుండా మీ బరువును మెయింటైన్ చేయడంలో కూడా సహాయపడుతుంది.
కరివేపాకును ఆహారంతోపాటు.. పచ్చిగా నమిలి తినడం మంచిది. మీ ఆహారంలో చేర్చుకోవడంతో పాటు, ప్రతిరోజూ ఉదయం ఐదు నుంచి ఆరు కరివేపాకులను నమలి తినండి..