రికార్డులైనా.. రివార్డులైనా.. కలెక్షన్లైనా.. నేను దిగనంత వరకే..

25 September 2023

100 ఏళ్ళ ఇండియన్ సినిమా హిస్టరీలో మరే హీరోకు సాధ్యం కాని ఓ ఫీట్ అందుకోబోతున్నారు కింగ్ ఖాన్. అది చూసి కాలర్ ఎగరేస్తున్నారు బాద్షా ఫ్యాన్స్. ఇంతకీ ఏంటా రికార్డ్..?

2023 షారుక్ నామ సంవత్సరం. పఠాన్‌తో రిపబ్లిక్ డేకు.. జవాన్‌తో జన్మాష్టమికి వచ్చి దుమ్ము దులిపేసారు కింగ్ ఖాన్.

పఠాన్ 1050 కోట్ల దగ్గర ఆగితే.. జవాన్ సైతం 1000 కోట్ల వైపు దూసుకుపోతుంది. ఇప్పటి వరకు 950 కోట్ల నెట్‌ వసూలు చేసింది ఈ చిత్రం.

మూడో వీకెండ్‌లో మ్యాజిక్ ఫిగర్ అందుకునేలా కనిపిస్తుంది. అంతేకాదు 2023లో హ్యాట్రిక్‌ థౌజెండ్ వాలాకు రెడీ అవుతున్నారు.

ఒక్కసారి 1000 కోట్ల క్లబ్‌లో చేరడమే చాలా మంది హీరోలకు కలగా ఉంటుంది. అలాంటిది ఒకే ఏడాది రెండు సార్లు 1000 కోట్ల సినిమాలివ్వడం అంటే మాటలు కాదు.

ప్రభాస్, యశ్, ఎన్టీఆర్, రామ్ చరణ్ మాత్రమే ఒక్కోసారి 1000 కోట్ల సినిమాలిచ్చారు. షారుక్ రెండోసారి ఎంట్రీ ఇస్తున్నారు. అంతేకాదు కేవలం హిందీలో మాత్రమే పఠాన్, జవాన్ కలిసి 1000 కోట్లు నెట్ వసూలు చేసాయి.

డంకీ సైతం 1000 కోట్లు వసూలు చేస్తుందని నమ్మకంగా ఉన్నారు మేకర్స్. రాజ్ కుమార్ హిరాణీ ట్రాక్ రికార్డ్‌కు షారుక్ ఉన్న ఫామ్ తోడైతే 1000 కోట్లు అసలు మ్యాటరే కాదు.

డిసెంబర్ 22న విడుదల కానున్న డంకీ నుంచి అనౌన్స్‌మెంట్ వీడియో తప్ప మరోటి విడుదల కాలేదు. ఇది కూడా 1000 కోట్లు కొడితే.. ఒకే ఇయర్‌లో హ్యాట్రిక్ 1000 కోట్లు ఇచ్చిన హీరోగా చరిత్రలో నిలిచిపోతారు షారుక్.