03 March 2024

విజయ్ దేవరకొండతో మళ్లీ సినిమా ?.. రష్మిక ఆన్సర్ ఇదే.. 

Rajitha Chanti

Pic credit - Instagram

పుష్ప సినిమా పాన్ ఇండియా స్టార్ హీరోయిన్‎గా క్రేజ్ అందుకున్న నేషనల్ క్రష్.. ఇటీవలే యానిమల్ మూవీతో మరో బ్లాక్ బస్టర్ హిట్ అందుకుంది. ఇప్పుడు పుష్ప 2లో నటిస్తుంది. 

కొన్ని నెలలుగా షూటింగ్ జరుపుకుంటున్న ఈ సినిమా త్వరలోనే అడియన్స్ ముందుకు రానుంది. తాజాగా రష్మిక టోక్యోలో జరుగుతున్న క్రంచైరోల్ అనిమే అవార్డ్స్ వేడుకలలో పాల్గొంది. 

ఈ అవార్డ్స్ ఈవెంట్లో పాల్గొన్న మొదటి భారతీయ సినీనటి రష్మిక కావడం విశేషం. ఈ సందర్భంగా పింక్ విల్లాకు ఇచ్చిన ప్రత్యేక ఇంటర్వ్యూలో ఆసక్తికర విషయాలను పంచుకుంది. 

పుష్ప 2 సినిమాలో పుష్పరాజ్ భార్యగా తన బాధ్యతలు మరింత పెరిగాయని.. ప్రేక్షకులకు అంచనాలను అందుకునే స్థాయిలోనే.. ఇందులో ఎక్కువగా మాస్ కంటెంట్ ఉంటుందని తెలిపింది. 

అలాగే మళ్లీ విజయ్ దేవరకొండతో కలిసి సినిమా చేస్తారా ? అనే ప్రశ్నకు రష్మిక స్పందిస్తూ.. మంచి స్క్రిప్ట్ వస్తే మళ్లీ ఇద్దరం కలిసి నటించేందుకు రెడీగా ఉన్నామని చెప్పుకొచ్చింది రష్మిక. 

విజయ్‏తో కలిసి ఒక సినిమా చేసి చాలా కాలం అయ్యింది.. అభిమానులు మా ఇద్దరిని కలిసి మళ్లీ వెండితెరపై చూడాలని ఆసక్తిగా ఎదురుచూస్తున్నారని నాకు తెలుసు అంటూ చెప్పుకొచ్చింది. 

విజయ్, రష్మిక కలిసి నటించిన గీతా గోవిందం సినిమా సూపర్ హిట్ అయ్యింది. ఆ తర్వాత వీరి కాంబోలో వచ్చిన డియర్ కామ్రేడ్ మూవీ మంచి విజయం అందుకోవడంతో హిట్ పెయిర్‏గా నిలిచారు. 

అంతేకాకుండా వీరిద్దరు కొన్నాళ్లుగా ప్రేమలో ఉన్నారంటూ సోషల్ మీడియాలో ప్రచారం నడుస్తుంది. ఇటీవల తన భర్త VDలా ఉండాలంటూ రష్మిక చెప్పడంతో ఈ వార్తలకు మరింత బలం చేకూరింది.