డ్రగ్స్ కేసు వార్తలపై అషురెడ్డి సీరియస్

తెలుగు ఫిలిం ఇండస్ట్రీలో ఇప్పుడు డ్రగ్స్ కేసు అలజడి రేపుతోంది

పలువురు సినీ ప్రముఖులు, ఫేమస్ పొలిటీషియన్స్ కుమారులతో పాటు బిగ్​బాస్​ బ్యూటీ అషురెడ్డి పేరు కూడా వచ్చింది.

ఈ అంశంపై తాజాగా అషురెడ్డి స్పందించారు. తన మీద తప్పుడు ప్రచారం చేస్తున్నారంటూ ఆమె ఫైర్ అయ్యారు.

కొన్ని మీడియా వర్గాలు చెబుతున్నట్లు తనకు ఎవరితోనూ సంబంధాలు లేవని అషురెడ్డి క్లారిటీ ఇచ్చారు.

ఇవి తప్పుడు వార్తలని పేర్కొన్న ఆమె.. సమయం, అవసరం వచ్చినప్పుడు సంబంధింత అధికారులకు నిజానిజాలు ఏమిటో పూర్తిగా వివరిస్తానని స్పష్టం చేశారు.

తన పర్మిషన్ లేకుండా తన ఫోన్ నంబర్​ను బహిరంగంగా ప్రదర్శిస్తే అస్సలు సహించేది లేదంటూ ఆమె వార్నింగ్ ఇచ్చారు.

ఇన్​స్టాగ్రామ్​లో తన అకౌంట్ ద్వారా ఈ మేరకు ఆమె ఒక పోస్ట్ చేశారు.

ఇకపోతే, టాలీవుడ్​లో సంచలనం రేపుతున్న డ్రగ్స్ కేసులో కేపీ చౌదరి కాల్ లిస్టును పోలీసులు డీకోడ్ చేశారని సమాచారం.

దీంతో అషురెడ్డి పేరు తెరమీదకు వచ్చిందని తెలుస్తోంది.

షురెడ్డితో పాటు తెలుగు మూవీస్​లో కొన్ని ఐటెం సాంగ్స్ చేసిన ఒక నటి సహా మొత్తం 12 మంది పేర్లు కేపీ చౌదరి చెప్పినట్లు మీడియాలో కథనాలు వస్తున్నాయి.

ఈ కేసులో తదుపరి ఇన్వెస్టిగేషన్​లో భాగంగా అషురెడ్డికి పోలీసులు నోటీసులు కూడా ఇవ్వనున్నట్లు వార్తలు వస్తున్నాయి. ఈ నేపథ్యంలో అషురెడ్డి దీనిపై క్లారిటీ ఇచ్చారు.