యంగ్ టైగర్ ఎన్టీఆర్ గురించి ప్రత్యేకంగా చెప్పనవసరం లేదు.
టాలీవుడ్ లో ప్రాణం పెట్టి నటించే హీరోలలో ఎన్టీఆర్ మొదటి వరసలో ఉంటారు.
ఎన్టీఆర్ దర్శకధీరుడు రాజమౌళి తెరకెక్కించిన ఆర్ఆర్ఆర్ చిత్రంతో పాన్ ఇండియా స్టార్ గా గుర్తింపు తెచ్చుకున్నాడు.
తారక్ ప్రస్తుతం కొరటాల శివ దర్శకత్వంలో తెరకెక్కుతున్న ‘దేవర’ చిత్రంలో నటిస్తున్నారు.
ఈ మూవీ షూటింగ్ ఏడాది డిసెంబర్ వరకు పూర్తి కానుందని తెలుస్తోంది.
మే 20 తారక్ పుట్టినరోజు నేపథ్యంలో ఆయన గురించిన వార్తలు, ఇంటర్వ్యూలు సోషల్ మీడియాలో హాల్ చల్ చేస్తున్నాయి.
ఈక్రమంలో గతంలో ఇచ్చిన ఒక ఇంటర్వ్యూలో తాను హీరోగా సక్సెస్ అవకపోతే ఏం చేసేవారో చెప్పారు.
సినిమాలలో హీరోగా విజయం సాధించలేకపోతే ఏదోక చిన్న పని అయిన లేదా లైట్ బాయ్ గా నైనా పనిచేస్తూ ఇండస్ట్రీలోనే ఉండేవాడినని వెల్లడించారు.
ఈ మాటలు విని ఆడియెన్స్, ఫ్యాన్స్ ఆశ్చర్యపోతున్నారు.