ప్రస్తుతం శింబు దేసింగు పెరియసామి దర్శకత్వంలో ఓ చిత్రంలో నటించనున్నారు.
ఈ చిత్రన్ని కమలహాసన్‌ తన రాజ్‌కమల్‌ ఫిలిమ్స్‌ ఇంటర్నేషనల్‌ బ్యానర్ పై నిర్మించనున్నారు.
ఈ చిత్రంలో కమల్‌ హాసన్‌ గౌరవ పాత్రలో కనిపించనునట్లు సమాచారం.
ఇందులో శింబుకు జోడిగా బాలీవుడ్‌ బ్యూటీ దీపిక పదుకొణెను అనుకుంటున్నారని తెలుస్తోంది.
కాగా దీపిక పదుకొనే గతంలో కోలీవుడ్‌లో రజనీకాంత్‌ సరసన కొచ్చాడయాన్‌ చిత్రంలో నటించింది.
శింబు కంటే ఎక్కువ పారితోషకం తీసుకొనే దీపిక ఈ చిత్రంలో నటిస్తుందా అని చర్చ జరుగుతుంది.
అయితే ఇక్కడ నిర్మాత కమల్‌ హాసన్‌ కావడంతో ఆమె శింబుతో నటించే అవకాశం ఉందని తెలిస్తోంది.
కాగా ప్రస్తుతం తెలుగులో ప్రభాస్ సరసన ప్రాజెక్ట్ కే చిత్రంలో నటిస్తుంది దీపికా.