ఆస్కార్‌ వేడుకలకు సంబంధించి మన దేశానికి మరో గౌరవం దక్కింది.
బాలీవుడ్‌ అగ్ర కథానాయిక దీపికా పదుకొణె ప్రజెంటర్‌గా వ్యవహరించనున్నారు.
తాజాగా ఆస్కార్‌ అకాడమీ విడుదల చేసిన ప్రజెంటర్ల జాబితాలో దీపికా పేరుంది.
ఇందులో డ్వేన్‌జాన్సన్‌, శామ్యూల్‌ ఎల్‌ జాక్సన్‌, జోయాసల్డానా, ఎమీలీ బ్లంట్‌ లాంటి సినీ ప్రముఖులు ఉండటం విశేషం.
దీపికకు ఆ గౌరవం దక్కడంతో పలువురు సినీ ప్రముఖులు సామాజిక మాధ్యమాల వేదికగా ఆమెకు శుభాకాంక్షలు తెలిపారు.
ఇప్పటికే పలు అంతర్జాతీయ వేదికలపై మెరిసిన దీపిక ఆస్కార్‌ సంబరాల్లో ఎలా మెరుస్తుందో అని అభిమానులు ఆసక్తిగా ఎదురుచూస్తున్నారు.
ఈసారి మనకు మూడు నామినేషన్లు దక్కాయి. ‘నాటు నాటు’కు కచ్చితంగా అవార్డు వస్తుందని అందరూ నమ్మకంతో ఉన్నారు.
రాహుల్‌ సిప్లిగంజ్‌, కాలభైరవ.. ఈ పాటను లైవ్‌లో పాడే అవకాశం దక్కించుకున్న సంగతి తెలిసిందే.