13 July 2024
TV9 Telugu
భారతీయ రైల్వే వందే భారత్ రైళ్లను ప్రారంభించడం ద్వారా ప్రయాణికులకు గొప్ప సౌకర్యాన్ని కల్పించింది.
ఇప్పుడు వందే భారత్ స్లీపర్ రైలు వచ్చే నెలలో ప్రారంభం కానుంది. ఈ మొదటి వందే భారత్ స్లీపర్ సికింద్రాబాద్ నుండి ముంబై మార్గంలో నడిచే అవకాశం ఉంది.
ఈ మేరకు దక్షిణ మధ్య రైల్వే జీఎంకు కేంద్రమంత్రి కిషన్‌రెడ్డి సూచించారు. రైల్వే బోర్డుకు ఆయన ప్రతిపాదన పంపారు.
ఈ నగరాల మధ్య ప్రస్తుతం వందేభారత్ ఏదీ నడపడం లేదని, ఈ మార్గంలో మాత్రమే మొదటి స్లీపర్ వందే భారత్ రైలును నడపాలని రైల్వే జీఎం అరుణ్ కుమార్‌కు సూచించారు.
అదే సమయంలో శతాబ్ది ఎక్స్‌ప్రెస్ స్థానంలో చైర్ కార్ వందే భారత్‌ను సికింద్రాబాద్-పుణే మధ్య ప్రారంభించవచ్చని మరో సమాచారం వెలుగులోకి వచ్చింది.
సికింద్రాబాద్-పూణే మధ్య నడిచే శతాబ్ది ఎక్స్‌ప్రెస్ స్థానంలో వందేభారత్ (సిట్టింగ్) రైలు రానున్నట్టు తెలుస్తోంది.
కాచిగూడ-బెంగళూరు మధ్య నడిచే వందేభారత్ రైలుకు కూడా డిమాండ్ పెరిగింది. ఈ మార్గంలో వందేభారత్‌ను నడపాలని ప్రయాణికులు కోరుతున్నారు.
వందే భారత్ స్లీపర్ రైలు గరిష్ట వేగం గంటకు 160 కిలోమీటర్లు ఉంటుందని, ఇది ఇతర రైళ్ల కంటే చాలా ఎక్కువ. ఇందులో పడుకునే, కూర్చునే సీట్లను కూడా అత్యాధునికంగా తీర్చిదిద్దారు.