డిసెంబర్ నెలలో స్టాక్ మార్కెట్లో ఐపీఓ ఫీవర్ నెలకొంది. చాలా కంపెనీలు ఇప్పటికే ఐపీఐకు వచ్చాయి. వచ్చే వారం కూడా మరి కొన్ని కంపెనీలు ఐపీఓను ఇష్యూ చేయనున్నాయి.
మైక్రో రుణ సంస్థ మూత్తూట్‌ మైక్రోఫిన్‌ కంపెనీ ఒక్కో షేరును రూ.277-291 ధరతో జారీ చేయనున్నట్టు తెలిపింది. ఈ ఐపీఓ ద్వారా కంపెనీ రూ.960 కోట్లు సమీకరించనుంది.
ప్రముఖ ఇంజనీరింగ్, ఫోర్జింగ్ కంపెనీ హ్యాపీ ఫోర్జింగ్స్ లిమిటెడ్ కంపెనీ ఒక్కోషేరు ధరల శ్రేణిని రూ.808-850గా నిర్ణయించింది. ఐపీఓలో భాగంగా రూ.400 కోట్లు విలువైన షేర్లను ఫ్రెష్‌గా ఇష్యూ చేయనున్నారు.
ముఫ్తీ జీన్స్‌ తయారీ సంస్థ క్రెడో బ్రాండ్స్‌ మార్కెటింగ్‌ లిమిటెడ్ కంపెనీ ఒక్కోషేరు ధరలు శ్రేణిని రూ.266-280గా కంపెనీ నిర్ణయించింది. ఐపీఓలో భాగంగా
రూ.550 కోట్లు సమీకరించనుంది.
ముంబయికి చెందిన రియల్‌ ఎస్టేట్‌ సంస్థ సూరజ్‌ ఎస్టేట్‌ డెవలపర్స్‌ ఐపీఓ రానుంది. షేర్ ధరల శ్రేణి రూ.340-360గా నిర్ణయించారు. రూ.400 కోట్ల ఈ ఐపీఓలో ఫ్రెష్‌ షేర్లను జారీ చేయనున్నారు.
ప్రముఖ ఆభరణాల కంపెనీ మోతీసన్స్‌ జువెలర్స్‌ ఐపీఓ షేర్ ధరల శ్రేణిని రూ.52-55గా నిర్ణయించారు. 2.74 కోట్ల ఈక్విటీ షేర్లను కొత్తగా జారీ చేస్తున్నారు.
ఆర్‌బీజడ్‌ జువెలర్స్‌ ఐపీఓ షేర్ ధరల శ్రేణిని రూ. 90-100గా నిర్ణయించారు. రూ.100 కోట్ల నిధులు సమీకరించేందుకు ఐపీఓకు వస్తుంది.
హైదరాబాద్‌ కు చెందిన అజాద్‌ ఇంజినీరింగ్‌ ఐపీఓ షేర్ ధరల శ్రేణిని ఒక్కొక్కటి రూ. 499-524గా నిర్ణయించారు. రూ.740 కోట్ల ఐపీఓలో రూ.500 కోట్లు ఆఫర్‌ ఫర్‌ సేల్‌, రూ.240 కోట్ల విలువైన షేర్లను ఫ్రెష్‌గా జారీ చేయనున్నారు.