డిజిట‌ల్ చెల్లింపుల్లో ఇండియా టాప్‌.. వెల్లడించిన ఆర్బీఐ గవర్నర్‌ 

గత 12 సంవత్సరాల్లో దేశంలో డిజిటల్ లావాదేవీలు 90 రెట్లు పెరిగాయని ఆర్బీఐ గవర్నర్ శక్తికాంత దాస్ చెప్పారు. 

ప్రపంచవ్యాప్తంగా సాగే మొత్తం ఆన్‌లైన్ పేమెంట్స్‌లో 49 శాతం భారత్‌లోనే జరుగుతున్నాయని రిజర్వ్‌ బ్యాంక్‌ వెల్లడించింది.

ముంబైలోని ఆర్బీఐ ప్రధాన కార్యాలయంలో నిర్వహించిన డిజిటల్ చెల్లింపుల అవగాహన సదస్సులో గవర్నర్‌ ఈ విషయాన్ని వెల్లడించారు.

2012-13లో దేశంలో 162 కోట్ల రిటైల్ చెల్లింపులు డిజిటల్ పేమెంట్స్ అయితే, 2023-24 నాటికి 14,726 కోట్లకు పెరిగింది. 

యూపీఐ లావాదేవీలు భారత్‌లో మాత్రమే కాక ప్రపంచవ్యాప్తంగా అత్యంత వేగవంతమైన పేమెంట్స్ సిస్టమ్‌గా మారిందని గవర్నర్‌ శక్తికాంతదాస్‌ అన్నారు.

దేశీయంగా డిజిటల్ చెల్లింపుల్లో గణనీయమైన వృద్ధి నమోదు చేయడంలో యూపీఐదే కీలక పాత్ర అని అన్నారు.