మందుబాబులకు  బ్యాడ్‌ న్యూస్‌.. మద్యం షాపులు బంద్‌.. ఎందుకో తెలుసా?

ఈ హోలీ పండగ సందర్భంగా బార్ అండ్ రెస్టారెంట్‌లు, కల్లు దుకాణాలు మూసి ఉంచాలని పోలీసులు ఆదేశాలు జారీ చేశారు.

ఈ మేరకు మద్యం షాపులపై హైదరాబాద్, సైబరాబాద్, రాచకొండ పోలీస్ కమిషనర్‌ల నుంచి ఆదేశాలు విడుదలయ్యాయి. 

ఈ నెల 25న ఉదయం 6 గంటల నుంచి 26వ తేదీ ఉదయం 6 గంటల వరకు మద్యం షాపులు, కల్లు దుకాణాలు, రెస్టారెంట్లు మూతపడనున్నాయి. 

హోలీ వేడుకల్లో ఎలాంటి అవాంఛనీయ ఘటనలు జరగకుండా ముందు జాగ్రత్త చర్యల్లో భాగంగా ఈ నిర్ణయం తీసుకున్నట్లు పోలీసులు తెలిపారు.

రోడ్లపై ఇష్టారీతిన వేడుకలు జరుపుకుంటూ వచ్చీపోయే వారికి ఇబ్బంది కలిగిస్తే చర్యలు తప్పవని పోలీసులు హెచ్చరించారు.