ఆధార్‌లో పేరు, డేట్ ఆఫ్ బర్త్, అడ్రస్ అప్డేట్ చేసుకోవాలా..? ఈ డాక్యుమెంట్స్ తప్పనిసరి..

19 OCT, 2026

Venkatrao Lella

ఆధార్ కార్డులో వివరాలన్నీ కరెక్ట్‌గా ఉండేలా చూసుకోవడం ముఖ్యం. పేరు, డేట్ ఆఫ్ బర్త్ లేదా అడ్రస్ తప్పుగా ఉంటే మార్చుకోవడం అనేది అవసరం. లేకపోతే ధృవీకరణ సమయాల్లో అవాంతరాలు ఎదురయ్యే అవకాశం ఉంటుంది

ఆధార్‌లో ఏమైనా వివరాలు తప్పుగా ఉంటే వాటిని మార్చుకునేందుకు అవసరమైన డాక్యుమెంట్లను సమర్పించాల్సి ఉంటుంది. ప్రతీ అప్డేట్‌కు ఒకే పత్రం సరిపోదు. వేర్వేరు అప్డేట్స్‌కు వేర్వురు పత్రాలు అవసరమవుతాయి.

ఆధార్‌లో మీ పేరు తప్పుగా ఉంటే.. మార్చుకునేందుకు గుర్తింపు రుజువులు అవసరం. పాస్ పోర్ట్, ఓటర్ గుర్తింపు కార్డు, డ్రైవింగ్ లైసెన్స్, జాబ్ కార్డు, మ్యారేజ్ సర్టిఫికేట్, ఎడ్యుకేషన్ మార్క్ షీట్లు, క్యాస్ట్ సర్టిఫికేట్, కిసాన్ ఫొటో పాస్ బుక్ వంటివి అవసరం.

అడ్రస్ మార్పు కోసం చిరునామా రుజువు సమర్పించాల్సి ఉంటుంది. విద్యుత్, వాటర్ బిల్లు, గ్యాస్ పాస్ బుక్, బ్యాంక్ స్టేట్ మెంట్, క్రెడిట్ కార్డ్ స్టేట్ మెంట్, ల్యాండ్ లైన్ బిల్లు, పోస్టాఫీస్ పాస్ బుక్, మొబైల్ పోస్ట్ పెయిడ్, బ్రాండ్ బ్యాడ్ బిల్లు లాంటి పత్రాలు సమర్పించాలి

ఇక డేట్ ఆఫ్ బర్త్ అప్డేట్ కోసం పేరు, పుట్టిన తేదీని రుజువు చేసే పత్రం సబ్మిట్ చేయాలి. డేట్ ఆఫ్ బర్త్ సర్టిఫికేట్, పాస్ పోర్టు, ఎడ్యుకేషన్ సర్టిఫికేట్లు, పెన్షన్ పేమెంట్ ఆర్డర్, పెన్షనర్ గుర్తింపు కార్డు వంటివి సమర్పించాలి.

పేరు, డేట్ ఆఫ్ బర్త్ అప్డేట్ చేసుకునేందుకు ఆన్‌లైన్ సౌకర్యం అందుబాటులో లేదు. ఇందుకోసం మీ సమీపంలోని ఆధార్ సేవా కేంద్రానికి వెళ్లాల్సి ఉంటుంది. అక్కడికి వెళ్లి అవసరమైన రుజువు పత్రాలను అందించాలి. అనంతరం అప్డేట్ కోసం రిక్వెస్ట్ పెట్టుకోవాలి.

అయితే అడ్రస్‌ను మాత్రం ఆన్‌లైన్‌లో మార్చుకోవచ్చు. ఇందుకోసం యూఐడీఏఐ పోర్టల్ లేదా ఆధార్ యాప్ ఉపయోగించవచ్చు. మీ ఆధార్‌కు మొబైల్ నెంబర్ లింక్ అయి ఉంటేనే ఇది సాధ్యమవుతుంది.

యూఐడీఏఐ పోర్టల్ లేదా ఆధార్ యాప్‌లోకి వెళ్లి సర్వీసెస్ ఆప్షన్ ఎంచుకోవాలి. అందులో అడ్రస్ అప్డేట్ ఆప్షన్ సెలక్ట్ చేసుకోవాలి. అనంతరం అవసరమైన వివరాలు నమోదు చేయాలి.