నటసింహం నందమూరి బాలకృష్ణ నటించిన లేటెస్ట్ బ్లాక్ బస్టర్ వీరసింహారెడ్డి.
సంక్రాంతి కానుకగా విడుదలైన ఈ సినిమా మంచి విజయం సాధించింది. గోపీచంద్ మలినేని దర్శకత్వంలో తెరకెక్కిన ఈ సినిమాలో బాలయ్య డ్యూయల్ రోల్ లో కనిపించి ఆకట్టుకున్నారు.
శ్రుతిహాసన్ హీరోయిన్ గా నటించిన ఈ మూవీతో మలయాళ బ్యూటీ హానీ రోజ్ టాలీవుడ్ కు పరిచయం అయ్యింది.
ఇక ఈ సినిమా ఈ నెల 23తో వందరోజులు పూర్తి చేసుకోనుంది.
ఇక హిందూపురంలో బాలయ్య వీరసింహారెడ్డి శతదినోత్సవ వేడుకలకు ఏర్పాట్లు జరుగుతున్నాయి.
ఈ నెల 23న వీరసింహారెడ్డి శత దినోత్సవ వేడుకలకు అనుమతి కోరింది తెలుగుదేశం పార్టీ.
ఎంజీఎం హైస్కూల్ గ్రౌండ్లో వేడుకలును మున్సిపల్ అధికారులు నిరాకరించారు. దాంతో బాలయ్య అభిమానులు,టీడీపీ కార్యకర్తలు ఆగ్రహం వ్యక్తం చేస్తున్నారు.