హార్మోన్ల మార్పులు, అసమతుల్యత వల్ల చర్మం ప్రభావితమవుతుంది. ముఖ్యంగా గర్భధారణ సమయంలో స్త్రీలలో PCOS, హైపోథైరాయిడిజం, రుతువిరతి. ఇది చికాకు, మొటిమలు, నల్ల మచ్చలు, అసమాన చర్మపు రంగుకు దారితీయవచ్చు.
మధుమేహం చర్మంలోని నిర్దిష్ట ప్రాంతాలలో మెలనిన్ ఉత్పత్తిని పెంచుతుంది. ఫలితంగా నల్లటి పాచెస్ ఏర్పడుతుంది. అలాగే స్కిన్ పిగ్మెంటేషన్, బ్లాక్ స్పాట్స్ అనేది ప్రత్యేకమైన మందుల ద్వారా వచ్చే దుష్ప్రభావాలు కూడా కావొచ్చు.
ఫేషియల్ ఆయిల్‌తో మసాజ్ చేయండి చర్మం లిపోఫిలిక్ కాబట్టి మనం అప్లై చేసే నూనెలు త్వరగా శోషించబడతాయి. చందనం, కొబ్బరి, నల్పమరది, కుంకుమాది వంటి మూలికా పదార్థాలతో కూడిన నూనెలతో రెగ్యులర్ ఫేస్ మసాజ్ చేయడం వల్ల మచ్చలు తగ్గుతాయి.
టామాట పేస్ట్‌లో పుష్కలంగా ఉండే లైకోపీన్, UV కిరణాల నుండి చర్మాన్ని కాపాడుతుంది. డార్క్ స్పాట్స్, స్కిన్ పిగ్మెంటేషన్‌ని తేలికపరచడానికి, టమాట రసాన్ని చర్మానికి 20 నిమిషాల పాటు రాసుకుని కడిగేయండి.
పెరుగు, 1 టేబుల్ స్పూన్ శనగపిండి, 2 టేబుల్ స్పూన్ల పసుపు కలుపుతో చిక్కటి పేస్ట్‌లా తయారు చేసుకోవాలి. దీన్ని చర్మానికి ఫేస్ ప్యాక్ లాగా వాడండి. ఆరిన తర్వాత గోరువెచ్చని నీటితో శుభ్రం చేసుకోవాలి.
ఎర్రపప్పుతో చేసిన ఫేస్ మాస్క్‌లు ఒక ప్రామాణిక డిపిగ్మెంటేషన్ పద్ధతి. 50 గ్రాముల ఎర్ర పప్పును నీటిలో నానబెట్టండి. తర్వాత మెత్తని పేస్ట్‌లా చేసి ప్రతిరోజూ మీ ముఖానికి అప్లై చేయండి.
మీరు మీ శరీరం, చర్మాన్ని హైడ్రేట్ గా ఉంచుకోకపోతే మీ చర్మంపై డార్క్ ప్యాచ్‌లు ఏర్పడే అవకాశం ఎక్కువగా ఉంటుంది. మంటను తగ్గించడానికి, చర్మాన్ని నయం చేయడానికి తగినంత ద్రవాలను తీసుకోవాలి.
భవిష్యత్తులో చర్మం దెబ్బతినకుండా కాపాడుకోవటానికి హానికరమైన UV రేడియేషన్ నుండి చర్మాన్ని రక్షించుకోవటం ముఖ్యం. పిగ్మెంటేషన్ ప్రారంభ వృద్ధాప్యం, UVA కిరణాల వల్ల వచ్చే నల్ల మచ్చలను నివారించడానికి PA రక్షణతో సన్‌స్క్రీన్‌ని అప్లై చేయండి.