ఆర్.రవికుమార్ దర్శకత్వంలో శివ కార్తికేయన్ హీరోగా తెరకెక్కిస్తున్న సైన్స్ ఫిక్షన్ మూవీ ‘అయలాన్’.
రకుల్ ప్రీత్ సింగ్ కథానాయికిగా నటిస్తున్న ఈ చిత్రాన్ని కోటపాడి జె.రాజేష్, ఆర్.డి.రాజా సంయుక్తంగా నిర్మిస్తున్నారు.
ఈ చిత్రం తెలుగు, తమిళం, హిందీ, కన్నడ, మలయాళ భాషల్లో దీపావళికి ప్రేక్షకుల ముందుకు రానుంది.
సోమవారం ఈ విషయాన్ని అధికారికంగా ప్రకటించింది చిత్రబృందం.
ఈ నేపథ్యంలో చిత్ర ఫస్ట్లుక్ను విడుదల చేశారు మూవీ మేకర్స్.
ఆ లుక్లో ఏలియన్తో కలిసి కార్తికేయన్ ఆకాశంలో విహరిస్తూ కనిపించరు.
ఈ సందర్భంగా ‘‘ఓ ఏలియన్ నేపథ్యంగా సాగే సైన్స్ ఫిక్షన్ చిత్రమిది.
యాక్షన్కు, గ్రాఫిక్స్కు ఎంతో ప్రాధాన్యం ఉంది. ఇందులో దాదాపు 4500లకు పైగా వీఎఫ్ఎక్స్ షాట్స్ ఉన్నాయి.
చిత్రీకరణ పూర్తయ్యింది. నిర్మాణాంతర పనులు ముగింపు దశలో ఉన్నాయి’’ అని తెలిపారు చిత్ర నిర్మాతలు.
ఏఆర్ రెహమాన్ సంగీతం అందిస్తున్న ఈ చిత్రానికి నీరవ్ షా ఛాయాగ్రాహకుడిగా వ్యవహరిస్తున్నారు.