ప్రశాంత్ నీల్ దర్శకత్వంలో ప్రభాస్ హీరోగా ‘సలార్’చిత్రం రూపొందుతున్న సంగతి తెలిసిందే.
భారీ యాక్షన్ ఎంటర్టైనర్గా తెరకెక్కుతున్న ఈ చిత్రం కోసం ప్రేక్షకులంతా ఎదురు చూస్తున్నారు.
ఇదిలా ఉండగా ప్రభాస్ అభిమానులకు అదిరిపోయే వార్త చెప్పారు నిర్మాత దిల్ రాజు.
‘సలార్’ తర్వాత ప్రభాస్- ప్రశాంత్ నీల్ కలిసి మరో చిత్రం చేయనున్నట్లు ప్రకటించారు.
ఓ ఇంటర్వ్యూలో పాల్గున్న దిల్ రాజు ‘‘త్వరలోనే ప్రభాస్, ప్రశాంత్ నీల్ల కాంబోలో ఓ పౌరాణిక సినిమా రానుంది.
దీనికి సంబంధించిన స్క్రిప్ట్ కూడా సిద్ధం చేశారు. ప్రస్తుతం వీళ్లిద్దరూ ‘సలార్’తో బిజీగా ఉన్నారు. దీని తర్వాత ప్రశాంత్ నీల్ ఎన్టీఆర్తో ఓ సినిమా తీయనున్నారు.
ఇవ్వన్నీ పూర్తయ్యాక ప్రభాస్ సినిమా మొదలవుతోంది. ప్రస్తుతం ఈ చిత్రం చర్చల దశలో ఉంది’’ అని చెప్పడంతో ప్రభాస్ ఫ్యాన్స్ ఫుల్ ఖుష్ అవుతున్నారు.
ఇక ‘సలార్’ చిత్రం టీజర్ జూన్లో ఓ వార్త ప్రస్తుతం నెట్టింట చక్కర్లు కొడుతోంది.
ఇప్పటికే దీనికి సంబంధించిన వర్క్ అంతా పూర్తయిందని ‘ఆదిపురుష్’ విడుదలైన వెంటనే ఈ టీజర్ను విడుదల చేయనున్నారని నెట్టింట టాక్.
టీజర్లోనే చిత్రం కాన్సెప్ట్ ఏంటో చూపనున్నారట. అయితే.. ఈ విషయం గురించి అధికారికంగా ఎలాంటి ప్రకటన రాలేదు.