అడివి శేష్ హీరోగా శైలేష్ కొలను డైరెక్షన్‌లో వచ్చిన క్రైమ్ థ్రిల్లర్‌ హిట్ 2. గతంలో వచ్చిన విశ్వక్‌సేన్‌ హిట్ సినిమాకు ఇది సీక్వెల్‌.
వాల్ పోస్టర్ సినిమా బ్యానర్‌పై నేచురల్ స్టార్ నాని నిర్మించిన ఈ చిత్రంలో మీనాక్షిచౌదరి హీరోయిన్‌గా నటించింది.
డిసెంబర్ 2న థియేటర్లలో విడుదలైన హిట్2 మూవీ సూపర్‌హిట్‌గా నిలిచింది.
ఈసినిమా డిజిటల్‌ హక్కులను సొంతం చేసుకున్న అమెజాన్ ప్రైమ్ వీడియో మంగళవారం (జనవరి 4)న సినిమాను రెంటల్ బేస్‌ ప్రాతిపదికన స్ట్రీమింగ్ చేసింది.
సినిమా విడుదలై నెలరోజులు కావడంతో ఎలాంటి ముందస్తు అప్డేట్ ఇవ్వకుండానే డైరెక్టుగా చిత్రాన్ని ప్రసారం చేసింది.
అయితే ఇప్పుడేమైందో తెలియదు కానీ ప్రస్తుతం రెంటల్ బేస్‌లో కూడా అడివిశేష్ సినిమా స్ట్రీమింగ్‌‌కు అందుబాటులో లేదు.
ఎటువంటి ముందస్తు అప్డేట్ లేకుండా అమెజాన్ ప్రైమ్ వీడియో కేటలాగ్ నుంచి ఈ టైటిల్‌ను తీసివేసింది.
అయితే ఈ సినిమా జనవరి3 న కొన్ని గంటల సమయం వరకు అమెజాన్ లో కనిపించింది.
ఆ తర్వాత దాన్ని తొలగించారు అయితే దీనికి గల కారణాలు మాత్రం తెలియడం లేదు.