Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

మోదీ ప్రమాణానికి దేశ, విదేశీ ప్రముఖులు

Mdi Swearing, మోదీ  ప్రమాణానికి దేశ, విదేశీ ప్రముఖులు

రాష్ట్రపతి భవన్ లో రెండో సారి ప్రధానిగా మోదీ చేయనున్న ప్రమాణ స్వీకార కార్యక్రమానికి అన్ని ఏర్పాట్లు పూర్తయ్యాయి. గురువారం రాత్రి 7 గంటలకు జరిగే ఈ ‘ వేడుక ‘ కు దేశ, విదేశాల నుంచి ఆయా దేశాధినేతలు, వీవీఐపీలు, సెలబ్రిటీలు, వ్యాపారవేత్తలు హాజరవుతున్నారు. సుమారు 90 నిముషాలసేపు ఈ కార్యక్రమం జరగనుంది. రాష్ట్రపతి రామ్ నాథ్ కోవింద్… మోదీ చేత, ఆయన మంత్రివర్గ సభ్యుల చేత ప్రమాణం చేయించనున్నారు. ఉపరాష్ట్రపతి వెంకయ్యనాయుడు, కాంగ్రెస్ చీఫ్ రాహుల్ గాంధీ, యూపీఏ చైర్ పర్సన్ సోనియా గాంధీ, మాజీ ప్రధాని మన్మోహన్ సింగ్, వివిధ రాష్ట్రాల సీఎం లు, కార్పొరేట్ వ్యాపార దిగ్గజాలు, బాలీవుడ్ సెలబ్రిటీలు, ఇతర ప్రముఖులు హాజరవుతున్నారు. బిమ్ స్టిక్ దేశాధినేతల్లో బంగ్లాదేశ్ అధ్యక్షుడు అబ్దుల్ హమీద్, శ్రీలంక అధ్యక్షుడు మైత్రీపాల సిరిసేన, నేపాల్ ప్రధాని కె. పి. శర్మ ఓలి, మయన్మార్ ప్రెసిడెంట్ యువిన్ మింట్, భూటాన్ పీఎం లోటే షేరింగ్, కిర్గిజ్ అధ్యక్షుడు సొరోన్ బేజీన్ బెకొవ్, మారిషస్ పీఎం ప్రవింద్ కుమార్ జగన్నాథ్, థాయిలాండ్ స్పెషల్ ఎన్వాయ్ గ్రిసాడ బూక్ రాబ్ ఉన్నారు. క్రీడాకారుల్లో రాహుల్ ద్రావిడ్, సైనా నెహ్వాల్, అనిల్ కుంబ్లే, జవగళ్ శ్రీనాథ్, పి.టి. ఉష, హర్భజన్ సింగ్, పుల్లెల గోపీచంద్, దీపా కర్మాకర్ తదితరులున్నారు. వ్యాపారవేత్తల్లో ముకేశ్ అంబానీ, బిల్ గేట్స్, గౌతమ్ అదానీ, రతన్ టాటా, అజయ్ పిరమిల్ ప్రభృతులున్నారు.