Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

హీరోగా వినాయక్..బర్త్ డే రోజునే ఫస్ట్ క్లాప్!

VV Vinayak Ready for His Debut as Hero

మాస్‌లో మంచి బేసున్న డైరెక్టర్ వివి వినాయక్ హీరోగా ఎంట్రీ ఇస్తున్న సంగతి తెలిసిందే. ఏస్ ప్రొడ్యూసర్ దిల్ రాజు ఈ చిత్రాన్ని నిర్మించనున్నారు. ప్రస్తుతం ఈ సినిమాకు సంబంధించి ప్రీ ప్రొడక్షన్ వర్క్ పూర్తయినట్టు సమాచారం. తాజాగా ఈ  మూవీ ఓపెనింగ్‌కు ముహూర్తం ఫిక్స్ చేశారు.

దర్శకుడు వీవీ వినాయక్‌ పుట్టినరోజు అక్టోబర్‌ 9న! అదే రోజున ఆయన కథానాయకుడిగా పరిచయం కానున్న చిత్రం పూజా కార్యక్రమాలతో మొదలు కానుంది. పుట్టినరోజుకు తోడు విజయదశమి పండుగ ఘడియలు కూడా కలిసి వస్తుండటంతో కొబ్బరికాయ కొట్టనున్నారు. భారీ తమిళ చిత్రాల దర్శకుడు శంకర్‌ శిష్యుడు ఎన్‌. నరసింహారావు దర్శకత్వం వహించనున్న ఈ చిత్రం శ్రీ వెంకటేశ్వర క్రియేషన్స్‌ నిర్మాణంలో రూపొందుతోంది. ఇందులో పాత్ర కోసం వీవీ వినాయక్‌ ఇప్పటికే చాలా వెయిట్ తగ్గారు. లుక్ కూడా పూర్తిగా ఛేంజ్ చేశారు. 1980 నేపథ్యంలో కథ సాగుతుందని సమాచారం.

ఈ వయసులో వినాయక్ హీరో ఏమిటి అని ప్రేక్షకుల్లో ఓ ప్రశ్న తలెత్తే అవకాశముంది. అయితే, ఈ సినిమా కథ నడి వయస్సు వ్యక్తికి సంబంధించినదేనట. ఈ పాత్రకు వినాయక్ అయితే కరెక్ట్‌గా సరిపోతారని దర్శక, నిర్మాతలు ఆయన్ని ఎంపిక చేసుకున్నారని అంటున్నారు. వినాయక్‌కు కూడా నటన కొత్తేమీకాదు. ‘ఠాగూర్’లో ఆయన చేసిన చిన్న పాత్ర ఇప్పటికీ ప్రేక్షకులకు గుర్తుంది. ఆయనలో మంచి నటుడు ఉన్నాడని ఇండస్ట్రీలో కూడా చాలా మంది చెబుతుంటారు. మొత్తానికి ప్రస్తుతం దర్శకుడిగా ఇబ్బందులు ఎదుర్కొంటున్న వినాయక్.. నటుడిగా రాణిస్తారోమో చూడాలి.

తెలుగు సినిమాలకు సంబంధించి గతంలో చాలా మంది హీరోలు దర్శకులుగా మారారు. అలాగే దర్శకులు కూడా కొన్ని సినిమాల్లో తెర మీద కనిపించడం జరిగింది. ఇప్పుడు ఇలాంటిదే వివి వినాయక్ విషయంలో జరగబోతోంది. వినాయక్ 2002లో జూనీయర్ ఎన్టీఆర్ హీరోగా వచ్చిన ‘ఆది’ సినిమాతో దర్శకుడిగా మారి..సూపర్ హిట్ కొట్టాడు. ఆ తర్వాత టాలీవుడ్‌లో అగ్ర హీరోలందరితోనూ పనిచేసి తిరుగులేని బ్లాక్ బస్టర్స్ ఇచ్చాడు. ‘అఖిల్’ వంటి భారీ డిజాస్టర్ తరవాత కూడా చిరంజీవి పిలిచి ‘ఖైదీ నెంబర్ 150’ బాధ్యతలు అప్పగించారంటే వినాయక్ స్టామినా ఏమిటో అర్థమవుతుంది. అయితే గత కొంత కాలం నుండి వినాయక్‌కు వరుసగా డిజాస్టర్స్ వస్తున్నాయి. దానికి తోడు సినిమా అవకాశాలు మందగించాయి. దీంతో హీరోగా తన అదృష్టాన్ని పరీక్షించుకోబోతున్నాడు.

ఇంతకుముందు వినాయక్, దిల్ రాజు కాంబినేషల్‌లో నితిన్ హీరోగా ‘దిల్’ సినిమా వచ్చిన సంగతి తెలిసిందే. ఆ చిత్రం ఘనవిజయం సాధించింది. దీంతో అప్పటివరకు డిస్ట్రిబ్యూటర్‌గా ఉన్న దిల్ రాజు ‘దిల్’ సినిమాతో నిర్మాతగా మారి దిల్ రాజుగా ప్రస్తుతం తెలుగులో అగ్ర నిర్మాతల్లో ఒకరిగా వెలుగొందుతున్నారు. అయితే దిల్ రాజు దగ్గరకు వచ్చిన కథల్లో ఓ కథ వినాయక్‌కు బాగా సూట్ అవ్వుద్దని భావించి ఆయనకు కథ వినిపించారు. ఆ స్టోరీ లైన్‌కు వినాయక్ కూడా ఎగ్జైట్ అవ్వడంతో సినిమా పట్టాలెక్కింది. దిల్ రాజుకు నిర్మాతగా వినాయక్ లైఫ్ ఇస్తే..మళ్లీ ఇప్పుడు దిల్ రాజు హీరోగా వినాయక్‌‌కు పునర్జన్మను ఇవ్వబోతున్నారు. సో ఈ క్రేజీ కాంబో ఎలా ఉంటుందో..లెట్స్ వెయిట్ అండ్ సీ.