వివేకా హత్యకేసు దర్యాప్తునకు మరో సిట్..!

ఘోరమైన హత్యకు గురైన మాజీ మంత్రి, వైసీపీ నేత వైఎస్ వివేకానందరెడ్డి హత్యకేసు దర్యాప్తు కోసం ప్రభుత్వం.. అనంతపురం, చిత్తూరు, తిరుపతికి చెందిన పోలీస్ అధికారులతో ప్రత్యేక బృందాన్ని ఏర్పాటు చేసింది. ఈ బృందం మరోసారి వివేకా ఇంటిని పరిశీలించింది. కడప జిల్లా ఎస్పీ అభిషేక్ మహంతి ఆధ్వర్యంలో ఈ బృందం దర్యాప్తు చేస్తోంది.

అయితే.. ఇదివరకే నియమించిన ఓ కమిటి వివేకానందరెడ్డి అనుచరులైన ఎర్రగంగిరెడ్డి, పరమేశ్వర్ రెడ్డి, చంద్రశేఖర్ రెడ్డిని ప్రధాన నిందితులని భావించి, వారిని ఇన్వెస్టిగేషన్ కూడా చేశారు. అయితే.. ఇంకా వివేకాను ఎవరు హత్య చేసి ఉంటారనే నిజం మాత్రం ఇప్పటికీ తేల్చలేకపోతున్నారు. ఈ నేపథ్యంలోనే మరో సిట్‌ని నియమించింది ఏపీ ప్రభుత్వం. ఈ కొత్తగా ఏర్పాటైన ఈ సిట్‌లో 23 మంది అధికారులు ఉన్నారు. తాజాగా.. సిట్ అధికారులు, వివేకా వాచ్‌మెన్ రంగయ్యను విచారించారు.

మార్చి 15న వివేకానందరెడ్డి హత్యకేసు పెను సంచలనంగా మారింది. ఈ హత్యపై అప్పటి ప్రభుత్వం వెంటనే స్పందించి సిట్ దర్యాప్తుకు కూడా ఆదేశించింది.