Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

షూటింగ్‌లో గాయపడ్డ విశాల్‌

, షూటింగ్‌లో గాయపడ్డ విశాల్‌

చెన్నై: తమిళ స్టార్‌ విశాల్‌ సినిమా షూటింగ్‌లో గాయపడ్డారు. ఆయన కథానాయకుడిగా తెరకెక్కుతున్న చిత్రం ‘అయోగ్య’. వెంకట్‌ మోహన్‌ దర్శకత్వం వహిస్తున్నారు. రాశీ ఖన్నా కథానాయిక. తెలుగు హిట్‌ ‘టెంపర్‌’కు తమిళ రీమేక్‌ ఇది. ఈ సినిమాలో అల్లు అర్జున్‌ ‘సరైనోడు’లోని ‘బ్లాక్‌బస్టర్‌’ పాటను పెట్టాలని మూవీ యూనిట్ ప్లాన్ చేసుకుంది. ఈ నేపథ్యంలో పాటను షూట్‌ చేస్తుండగా విశాల్‌కు గాయమైంది. ‘అది ఊహించని విధంగా జరిగిన ప్రమాదం. ‘బ్లాక్‌బస్టర్‌’ పాట తమిళ వెర్షన్‌ తీస్తున్న సమయంలో నా కాలు జారి, కిందపడ్డా. కాలు, చేయి బెణికాయి’ అని విశాల్‌ ఓ ఆంగ్లపత్రికతో చెప్పారు.

విశాల్‌ ఇప్పటికే పలు సినిమా షూటింగ్‌లలో గాయపడ్డారు. 2013లో వచ్చిన ‘పూజై’ షూట్‌లో ఆయన చేతికి గాయమైంది. 2014లో ‘అంబాలా’ సినిమాలోని యాక్షన్‌ సీక్వెన్స్‌ తీస్తున్న సమయంలోనూ విశాల్‌ గాయపడ్డారు. ఇలా గాయపడటం గురించి ఆయన్ను ప్రశ్నించగా.. ‘ఇలాంటి నొప్పులు, బాధలు నటీనటుల జీవితంలో సాధారణమే. సురక్షితంగా ఉండాలి అనుకుంటే డెస్క్‌లో చేసే జాబ్‌ను ఎంచుకోవాలి’ అని పేర్కొన్నారు.