మద్యం తాగి డాక్టర్ సుధాకర్ న్యూసెన్స్ క్రియేట్ చేశాడు: సీపీ ఆర్కే మీనా
శనివారం నర్సీపట్నంలో రోడ్డుపై హల్చల్ చేసిన సస్పెండెడ్ డాక్టర్ సుధాకర్ ఘటనపై విశాఖపట్టణం సీపీ ఆర్కే మీనా ప్రెస్మీట్ పెట్టారు. నడిరోడ్డుపై డాక్టర్ సుధాకర్ అసభ్య పదజాలంతో హంగామా చేశాడని.. తమకు వచ్చిన సమాచారంలో పోలీసులు ఘటనా స్థలానికి చేరుకున్నారని ఆయన తెలిపారు. ఆ సమయంలో సుధాకర్ మద్యం మత్తులో ఉన్నారని.. తనకు తాను, ఇతరులకు హాని చేసేలా ప్రవర్తించాడని మీనా వెల్లడించారు. కానిస్టేబుల్ సెల్ఫోన్ లాక్కొని విసిరాడని ఆయన పేర్కొన్నారు. అంతేకాకుండా షర్ట్ తీసేసి న్యూసెన్స్ […]
శనివారం నర్సీపట్నంలో రోడ్డుపై హల్చల్ చేసిన సస్పెండెడ్ డాక్టర్ సుధాకర్ ఘటనపై విశాఖపట్టణం సీపీ ఆర్కే మీనా ప్రెస్మీట్ పెట్టారు. నడిరోడ్డుపై డాక్టర్ సుధాకర్ అసభ్య పదజాలంతో హంగామా చేశాడని.. తమకు వచ్చిన సమాచారంలో పోలీసులు ఘటనా స్థలానికి చేరుకున్నారని ఆయన తెలిపారు. ఆ సమయంలో సుధాకర్ మద్యం మత్తులో ఉన్నారని.. తనకు తాను, ఇతరులకు హాని చేసేలా ప్రవర్తించాడని మీనా వెల్లడించారు. కానిస్టేబుల్ సెల్ఫోన్ లాక్కొని విసిరాడని ఆయన పేర్కొన్నారు. అంతేకాకుండా షర్ట్ తీసేసి న్యూసెన్స్ క్రియేట్ చేశాడని .. ఈ క్రమంలో అతడిని అదుపులోకి తీసుకున్న పోలీసులు ఆసుపత్రికి తరలించారని అన్నారు. ఇక డాక్టర్పై అనుచితంగా ప్రవర్తించిన కానిస్టేబుల్పైన కూడా చర్యలు తీసుకున్నట్లు వివరించారు. చట్టం ఎవరికైనా ఒక్కటేనని ఈ సందర్భంగా స్పష్టం చేశారు మీనా. కాగా ఏపీ ప్రభుత్వంపై అసత్య ఆరోపణలు చేసిన సుధాకర్ని విచారణ అనంతరం అధికారులు సస్పెండ్ చేసిన విషయం తెలిసిందే.
Read This Story Also: లాక్డౌన్ కష్టాలు.. ఆర్థిక ఇబ్బందులతో ప్రముఖ నటుడు ఆత్మహత్య..!