Breaking News
  • కరోనా నియంత్రణ చర్యల్లో భాగంగా ప్రధాని నరేంద్ర మోదీని డబ్ల్యూహెచ్‌ఓ ప్రశంసించింది. కరోనాపై పోరాటంలో ప్రపంచదేశాలన్నీ కూడా భారత్‌ను ఆదర్శంగా తీసుకోవాలని సూచించింది. భారత్‌లో కరోనా రికవరీ రేటు బాగుందని.. మోదీ సర్కార్ తీసుకుంటున్న చర్యలు సత్ఫలితాలను ఇస్తున్నాయని తెలిపింది.
  • హేమంత్ హత్య కేసులో మరో ట్విస్ట్ . హేమంత్ కేసులో మరో ఇద్దరు ప్రమేయం ఉన్నట్లు ఆరోపిస్తున్న అవంతి. సందీప్ రెడ్డి గూడూరు, ఆశిష్ రెడ్డి ప్రమేయం కూడా ఉందంటున్న అవంతి . గతంలో హేమంత్ తండ్రితో బెదిరింపులకు దిగిన సందీప్ రెడ్డి . నాతో రెండు లక్షలు డబ్బులు తీసుకున్నాడు అంటూ నెల రోజులు క్రితం బెదిరింపులు . హేమంత్ కిడ్నాప్ అయిన రోజు సందీప్ రెడ్డి ని అదుపులోకి తీసుకున్న గచ్చి బౌలి పోలీసులు . సందీప్ రెడ్డి నుండి నాకు ప్రాణ హాని ఉందంటున్న అవంతి.
  • చెన్నై : ఎస్పీబీ మెమోరియల్ ఫై స్పందించిన ఎస్పీ చరణ్ . నాన్నగారి అభిమానులకోసం అయన స్మారకమందిరాన్ని తప్పకుండ నిర్మిస్తాము . అయన ఎంతో ఇష్టపడే అయన ఫార్మ్ హౌస్లోనే మా సొంత ఖర్చులతో నిర్మిస్తాము . తెలుగు, తమిళ భాషలతో పాటు దేశ వ్యాప్తంగా ఉన్న నాన్నగారి అభిమానులు ఆయన్ని స్మరించుకునేలా , ప్రజలు అందరూ వచ్చి సందర్శించేలా ఏర్పాటు చేస్తాము .
  • తండ్రిని చంపి పాతిపెట్టిన కొడుకు సహకరించిన తల్లి. కన్నకొడుకే తండ్రిని కిరాతకంగా అంతమొందించిన ఘటన . చేవెళ్ల‌ గుండాల గ్రామంలో ఘటన .   నెలరోజులుగా తండ్రి కనిపించకపోవడంతో బంధువులు కొడుకుని గట్టిగా నిలదీయడంగ అసలు విషయం బట్టబయలు . నెల రోజులుగా కనిపించకుండా పోయిన కిష్టయ్య. తల్లితో కలసి తండ్రిని చంపేశానని ,తమ పొలంలోనే పాతిపెట్టినట్లు అంగీకరించిన కొడుకు . మృతదేహం బయటికి తీసి పోస్ట్ మార్టం నిమిత్తం ప్రభుత్వ ఆస్పత్రికి తరలించిన పోలీసులు.
  • వివాదాస్పద 3 రైతు బిల్లలకు రాష్ట్రపతి ఆమోదముద్ర. గెజిట్ నోటిఫికేషన్ విడుదల. నేటి నుంచి చట్టరూపం సంతరించుకున్న బిల్లులు.
  • తూర్పు బీహార్‌ పరిసర ప్రాంతాల్లో కొనసాగుతున్న అల్పపీడనం. ఈశాన్య జార్ఖండ్‌, ఒడిశా మీదుగా మరో ఉపరితల ద్రోణి. అక్కడక్కడా ఉరుములు, మెరుపులతో కూడిన వర్షాలు. పలు చోట్ల భారీ నుంచి అతిభారీ వర్షాలు. నేడు, రేపు ఒకట్రెండు చోట్ల భారీ వర్షాలు-వాతావరణశాఖ.
  • నిజామాబాద్ జిల్లాలో తీవ్ర విషాదం నెలకొంది. అప్పటి వరకు కళ్ల ముందు ఆడుకుంటున్న చిన్నారి క్షణాల్లో విగతజీవిగా మారింది. యువకుడి నిర్లక్ష్యానికి నిండు ప్రాణం బలైంది. చిన్నారి మృతితో కుటుంబ సభ్యులు కన్నీరుమున్నీరవుతున్నారు. నిజామాబాద్ నగరంలోని కంఠేశ్వర్ ప్రాంతంలోని శివం అపార్ట్‌మెంట్‌లో ఈ విషాద ఘటన చోటుచేసుకుంది

వెలుగులోకి వస్తున్న సృష్టి ఆసుపత్రి లీలలు

వైద్యాన్ని వ్యాపారంగా మల్చుకున్న సృష్టి ఆసుపత్రి లీలలు.. అసహజరీతిలో వెలుగుచూస్తున్నాయి. బ్రహ్మదేవుడి రాతగా చెప్పుకునే సృష్టికార్యాన్ని.. అబాసుపాలు చేసింది ఆ ఆసుపత్రి. పండంటి బిడ్డకు జన్మనిచ్చిన ఓ తల్లికి గర్భశోకాన్ని మిగిల్చి.. ఆ బిడ్డను లక్షలకు అమ్ముకున్న చీకటికోణం తాజాగా బయటపడింది.

visakha srushti hospital child trafficking, వెలుగులోకి వస్తున్న సృష్టి ఆసుపత్రి లీలలు

వైద్యాన్ని వ్యాపారంగా మల్చుకున్న సృష్టి ఆసుపత్రి లీలలు.. అసహజరీతిలో వెలుగుచూస్తున్నాయి. బ్రహ్మదేవుడి రాతగా చెప్పుకునే సృష్టికార్యాన్ని.. అబాసుపాలు చేసింది ఆ ఆసుపత్రి. పండంటి బిడ్డకు జన్మనిచ్చిన ఓ తల్లికి గర్భశోకాన్ని మిగిల్చి.. ఆ బిడ్డను లక్షలకు అమ్ముకున్న చీకటికోణం తాజాగా బయటపడింది.

విశాఖపట్నం సీతమ్మధారలోని పద్మజ ఆసుపత్రి ఎండీ పద్మజతో పాటు మరో మహిళను అదుపులోకి తీసుకున్న పోలీసులు.. విస్తుపోయే నిజాలను కనుగొన్నారు. విశాఖపట్నం జిల్లా పీ భీమవరానికి చెందిన వెంకటలక్ష్మి అనే మహిళకు ఆడబిడ్డ పుట్టింది. అయితే ఆ బిడ్డ గర్భంలోనే చనిపోయినట్టుగా నమ్మించి మరొకరికి 13 లక్షలకు అమ్ముకున్నట్టు గుర్తించారు. ఫిబ్రవరిలో ఈ ఘటన జరిగినట్టుగా పోలీసులు తెలిపారు. అందుకోసం నర్సు నూకరత్నం, మధ్యవర్తి రామకృష్ణ ఆసుపత్రి ఎండీ చేకూరి పద్మజతో కలిసి ఈ దారుణానికి ఒడిగట్టినట్టు గుర్తించారు.

ఇదిలావుంటే, ఓ ప్రైవేట్‌ ఆసుపత్రికి చెకింగ్‌ కోసం వచ్చే వెంకటలక్ష్మితో నూకరత్నంకు పరిచయం ఏర్పడింది. ఇదే అదునుగా సృష్టి ఆసుపత్రిలో ప్రసవం మంచిగా చేస్తారని, సిజేరియన్‌కు డబ్బులు కూడా తీసుకోరని నమ్మించేయత్నం చేసింది. దాన్ని నిజమేననుకున్న వెంకటక్ష్మి.. ఈ ఏడాది ఫిబ్రవరిలో సృష్టి ఆసుపత్రిలో చేరగా.. ఆమెకు ఆడబిడ్డ పుట్టింది. కానీ ఆ విషయాన్ని దాచిపెట్టి చనిపోయినట్టుగా నాటకం ఆడిన వైద్యులు.. ఏకంగా 13 లక్షలకు పిల్లలు లేని మరో జంటకు ఆ బిడ్డను అమ్ముకున్నట్లు విచారణలో తేలింది.

సరోగసి ముసుగులో చిన్నారుల అక్రమ రవాణాపై ఒక్కోకోణం వెలుగుచూస్తుండడంతో పోలీసులు మరింత లోతుగా విచారణ జరుపుతున్నారు. ఇప్పటికే 8 మందిని పోలీసులు అదుపులోకి తీసుకున్నారు. గత మూడేళ్లలో సృష్టి ఆసుపత్రిలో 63 సరోగతి డెలివరీలు జరిగినట్టు గుర్తించిన పోలీసులు.. వాటిలో ఏమైనా తేడాలున్నాయా అన్న కోణంలో దర్యాప్తు జరుపుతున్నారు. డాక్టర్‌ నమ్రత, పద్మజ ఆ దారుణాలకు పాల్పడినట్టుగా సీపీ ఆర్కే మీనా తెలిపారు.

ఇలా ఒక్కొక్కటిగా సృష్టి లీలలు వెలుగుచూస్తుండడంతో.. ఆసుపత్రి ముసుగులో వాటి నిర్వాహకులు సాగించిన దందాలు ఒక్కొక్కటిగా విచారణలో బయటపడుతున్నాయి. సృష్టి ఆసుపత్రికి పద్మజ ఆసుపత్రికి లింకులున్నట్టు కనుగొన్న పోలీసులు.. చెకప్‌ కోసం వచ్చే వారికి మాయమాటలు చెప్పి మోసగిస్తున్నట్టుగా నిర్ధారణకు వచ్చారు. దీంతో పోలీసులు మరింత లోతుగా దర్యాప్తు ముమ్మారం చేశారు.

Related Tags