లండన్లో రెచ్చిపోయిన హాంకాంగ్ నిరసనకారులు.. మహిళా మంత్రిపై దాడి
హాంకాంగ్ నిరసనకారులు లండన్లో రెచ్చిపోయారు. హాంకాంగ్ న్యాయ శాఖ మంత్రి తెరెసా చెంగ్ని తరిమితరిమి కొట్టి ఆమెపై దాడి చేశారు. ఈ ఘటనలో ఆమె కింద పడిపోగా చేతికి తీవ్ర గాయమైంది. ఛార్టర్డ్ ఇన్స్టిట్యూట్ కార్యాలయం వద్ద తన కారు దిగుతున్న ఆమెను చూసిన ఆందోళనకారులు దూసుకువచ్చి ఎటాక్ చేశారు. మూకుమ్మడిగా ఆమెను చుట్టుముట్టి నెట్టివేయడంతో ఆమె కింద పడిపోయారు. పోలీసులు వచ్ఛే లోగా వారు పారిపోయారు. తెరెసాను పోలీసులు అంబులెన్స్లో ఆసుపత్రికి తరలించారు. హాంకాంగ్లో కొన్నివివాదాలను […]
హాంకాంగ్ నిరసనకారులు లండన్లో రెచ్చిపోయారు. హాంకాంగ్ న్యాయ శాఖ మంత్రి తెరెసా చెంగ్ని తరిమితరిమి కొట్టి ఆమెపై దాడి చేశారు. ఈ ఘటనలో ఆమె కింద పడిపోగా చేతికి తీవ్ర గాయమైంది. ఛార్టర్డ్ ఇన్స్టిట్యూట్ కార్యాలయం వద్ద తన కారు దిగుతున్న ఆమెను చూసిన ఆందోళనకారులు దూసుకువచ్చి ఎటాక్ చేశారు. మూకుమ్మడిగా ఆమెను చుట్టుముట్టి నెట్టివేయడంతో ఆమె కింద పడిపోయారు. పోలీసులు వచ్ఛే లోగా వారు పారిపోయారు. తెరెసాను పోలీసులు అంబులెన్స్లో ఆసుపత్రికి తరలించారు. హాంకాంగ్లో కొన్నివివాదాలను పరిష్కరించడంలో సఫలీకృతురాలైన ఆమె దానికి సంబంధించి ప్రసంగించేందుకు లండన్ వచ్చారు. హాంకాంగ్ పై చైనా ఆధిపత్యాన్ని నిరసిస్తూ గత ఎనిమిది నెలలుగా ఆందోళనలు జరుగుతున్నాయి. పోలీసులకు, నిరసనకారులకు మధ్య జరిగిన, జరుగుతున్న ఘర్షణల్లో పలువురు మరణించగా… సుమారు వెయ్యిమందికి పైగా గాయపడ్డారు.మొదట నేరస్థుల అప్పగింత బిల్లును వ్యతిరేకిస్తూ ఆందోళనకారులు వీధుల్లోకి వచ్చి భారీ ప్రదర్శనలకు పూనుకోవడం ఉద్యమానికే దారి తీసింది. ఈ బిల్లుపై ప్రభుత్వం వెనక్కు తగ్గినప్పటికీ.. దీన్ని పూర్తిగా ఉపసంహరించాలంటూ వారు పార్లమెంట్ ముట్టడికి సైతం సిధ్దపడ్డారు. చివరకు లండన్లోనూ నిరసనకారులు రెచ్చిపోయి.. ఒక మహిళా మంత్రిపై దాడి చేయడం ఇదే మొదటిసారి.